نوینه‌رێ هه‌ردوو وه‌زاره‌تێن پێشمه‌رگه و نافخۆ یێن هه‌رێما كوردستانێ ل فه‌رمانده‌یا ئۆپه‌راسیۆنێن هه‌ڤپشك یێن عیراقێ راگه‌هاند، ته‌رخانكرنا پاره‌ى بۆ ئاسایشا شنگالێ چاره‌سه‌رییا ره‌وشا ئه‌منى یا وى باژێرى ناكه‌ت تاكۆ هێزێن نه‌یاسایى ل شنگالێ هه‌بن، له‌وما پێدڤییه هێزێن نه‌یاسایى ل وى باژێرى نه‌مینن.
گۆت ژى: ب ته‌رخانكرنا پاره‌ى بتنێ، ره‌وشا ئێمناهییا شنگالێ ناهێته كۆنترۆلكرن، ئه‌و ده‌مێ هێزێن نه‌یاسایى یێن ل وى باژێرى بهێنه ده‌ركرن و پۆلیس ئه‌منیه‌تا ناڤ باژێرى ب پارێزن و دامه‌زراندنا وان هزار كه‌سێن كۆ بریار بوو بهێنه دامه‌زراندن بچیته د بوارێ بجهئینانێ دا، ره‌وشا شنگالێ دێ ئاسایى بیت.
ئه‌ڤ گۆتنا عه‌بدولخاق ته‌لعه‌ت د ده‌مه‌كى دایه كۆ جڤاتا نوینه‌رێن عیراقێ ئێك ملیار و 500 ملیۆن دینار ب مه‌به‌ستا ب هێزكرنا ئاسایشا شنگالێ بۆ فه‌رمانده‌یا ئۆپه‌راسیۆنێن هه‌ڤپشك ته‌رخانكرن.
Comments are closed, but trackbacks and pingbacks are open.