وەزیرێ دارایی یا عیراقێ دبێژیت: بڕیارا دادگەها بلندا فیدرال ل دۆر نەفت و غازا هەرێما كوردستانێ، رێگریێ ل حكومەتا فیدرال دكەت پشكەك ژ بودجەیا گشتی بۆ هەرێمێ بهێتە تەرخان كرن.
عەلی عەللاوی وەزیرێ دارایی یێ عیراقێ گۆت: هنارتنا 12% ێ ژ بودجێ بۆ هەرێمێ د چەند هەیڤێن بۆری دا، ل سەر بنەمایێ هنارتنا داهاتێ نەفتێ بوویە ژ لایێ هەولێر ڤە.
گۆت ژی: هەرێمێ پێگیری ب هنارتنا داهاتێ نەفتا خۆ نەكریە، هەر ژ بەر هندێ ژی، هنارتنا 200 ملیار دیناران ژ بەغدا بۆ هەرێمێ یا بەردەوام نابیت.
وەزیرێ دارایی یێ فیدرال گۆت ژی: مە ب رۆهن و ئەشكەرایی گۆتییە كو ئەو نەفت یا هەرێما كوردستانێیە، لێ ل دویڤ شرۆڤەیێن هاتینە كرن و ل دویڤ بڕیارێن دادگەها فیدرال، هنارتنا نەفتا هەرێمێ ب ڤی ئاوایێ نۆكە، كارەكێ نەیاسایی یە و هەرێمێ ئەو ماف نینە ب ڤی ئاوایی سەرەدەریێ دگەل بكەت.
Comments are closed, but trackbacks and pingbacks are open.