رۆژنامه‌كا ئه‌مریكى به‌لاڤكرییه، شاره‌زایێن سه‌ربازى هۆشدارییێ ژ پێكدادانا سه‌ربازى دناڤبه‌را واشنتۆن و مۆسكۆ ل سووریا دده‌ن.
به‌رپرسه‌كێ سه‌ربازى یێ ئه‌مریكى بۆ رۆژناما وول ستریت جۆرنال راگه‌هاند، چارشه‌مبییا بوورى رووسیا هێرش كرییه سه‌ر ده‌ڤه‌را ئه‌لته‌نف یا كۆ تێدا سه‌ربازێن ئه‌مریكا راهێنانان ب چه‌كدارێن سووریێ دكه‌ن.
رۆژنامێ دیار ژى كر، به‌رپرسێن سه‌ربازى یێن ئه‌مریكا ژ وان هێرشێن رووسیا د نیگه‌رانن و دبێژن: رووسیا راسته‌وخۆ هێزێن ئه‌مریكا ناكه‌ته ئارمانج، به‌لكۆ ته‌حه‌دیا ئه‌ركێ هێزێن ئه‌مریكا ل سووریێ دكه‌ت.
ژلایێ خۆه ژى ڤه ئێریك كۆرێلا، فه‌رماندێ فه‌رمانده‌یا ناڤه‌ندى یا ئه‌مریكا دیار كر، ئه‌م خۆه ژ هه‌ر پێنگاڤه‌كێ كۆ ببیته ئه‌گه‌رێ ناكۆكییێ ل گه‌ل رووسیا دویردكه‌ین، لێ كریارێن ڤان دوماهییان یێن رووسیا مه تۆره دكه‌ن.
Comments are closed, but trackbacks and pingbacks are open.