ساخلەمیا ھەولێرێ ڕادگەھینیت، ھەر چوار تۆشبوویێن کولێرا ب گرانی تۆشی ھشکبوونێ بووینە، ساخلەمیا سلێمانیێ ئاشکەرا دکەت، پشکەکا زوورا تۆشبوویێن زکچوون و داڕابوونێ نەخۆشخانە بجھـ ھێلاینە.
د. بژار موسا پەیڤدارێ ساخلەمیا ھەولێرێ ڕاگەھاند: ئەو چوار کەسێن ل ھەولێرێ تۆشی کولێرایێ بووین، ب گرانی تۆشی ھشکبوونێ بووینە و بەردەوام دبن چاڤدێریێ دانە.
ژلایەکێ دی ژی ڤە سامان شێخ لەتیف بەرپرسێ پشکا ڕاگەھاندن و پەیوەندیێن ساخلەمیا سلێمانیێ ڕاگەھاند: ددەمێ ٢٤ دەمژمێرێن دەربازبوویدا ٦٣٥ حالەتێن تۆشبوون ب نەخۆشیان زکچوون و دلڕابوونێ ل نەخۆشخانەیێن سلێمانیێ ھاتینە تۆماکرن، چارەسەریا پێتڤی بۆ سەرجەم نەخۆشان ھاتیەکرن و نەخۆشخانە بجھـ ھێلاینە.
ئەڤە ژی ددەمەکێدایە ساخلەمیا سلێمانیێ رۆژا ١٩ێ ڤێ مەھێ ئەگەرێ بەڵاڤبوونا کولێرایێ رەوشا ژنیشکەکێ ڤە ڕاگەھاند، کو ددەمێ ٢٤ دەمژمێرێن دەربازبوویدا ل سلێمانیێ ٦٣٥ کەس تۆشی زکچوون و دلرابوونێ ببون.
Comments are closed, but trackbacks and pingbacks are open.