كۆمپانیا په‌ترۆلا باكوور ب نڤیسارەكا فه‌رمی به‌غدا ئاگه‌هدار كریه، ئه‌گه‌ر د دەمەکێ كێم دا زەڤییێن په‌ترۆلا كه‌ركوكێ نه‌هێنه نوژه‌نكرن، به‌رهه‌مئینانا په‌ترۆلێ دێ كێم بیت و ره‌نگه د چه‌ند سالێن بهێت دا مه‌ترسییا هشكبوونێ لسه‌ر دروست بیت.
فەرهاد حەمزە، سه‌رۆكێ ئه‌ندازیارێن كۆمپانیا په‌ترۆلا باكوور راگه‌هاند، ئه‌گه‌ر ره‌وشا زەڤییێن په‌ترۆلێ ب ڤى ره‌نگی بمینیت، دێ بیته ئه‌گه‌رێ كێمبوونا به‌رهه‌مى، چونكى د سالا 2005 دا ل كه‌ركوكێ رۆژانه زێده‌تر ژ 600 هزار به‌رمیلێن په‌ترۆلێ به‌رهه‌م دئینان و نوكه رێژا به‌رهه‌مئینانێ ب نیڤى بوویه.
سه‌رۆكێ ئه‌ندازیارێن كۆمپانیا په‌ترۆلا باكوور دیاركر، كو بووریا ڤه‌گۆهاستنا په‌ترۆلا كه‌ركوكێ بۆ به‌نده‌رێ جیهانى ل توركیا ب ته‌مامى وێران بوویه پێدڤیه بوورى بهێنه نویكرن.
Comments are closed, but trackbacks and pingbacks are open.