زەنون سلێڤانەی ـ زاخو
بێگومان ئەڤ رەنگە ماموستا و نڤیسەرێ کورد (صالح یوسڤی ) بەردەوام دناڤا مەژیێ و ناخێ هەر کوردەکێ تایبەت میللەتێ کورد چ جاران نەهاتیە ژبیرکرن هەردەم یێ ساخە و نەمر بوویە ئێك چراێن هەر گەش دکاروانێ چاند و زمان و رەوشەنبیریا کوردی دا لگورەی ڤی بابەتی جهێ ئاماژەپێکرنێ دڤیا ژ هەمی تەوران ڤە مە ب تیرو تەسەلی شروڤەکرنەك بەردابە لسەر ژیان و بەرهەم و خەباتا ویا سیاسی و ئەدەبی ئانکو ژبەر درێژاهیا ناڤەروکا گوتارێ بتنێ وەك رێزگرتن و فاداریەك بو ساخکرنا ڤێ بیرئانینا ( ) سالڤەگەرا روژا شەهیدکرنا ماموستا و نڤیسەر (صالح یوسڤی ) بکورتی دچەند رێزکەکاندا ژیاننامەیا وی لڤێرێ بو خویندەڤان ددەنە خویاکرن .
ماموستا و نڤیسەرێ کورد (صالح یوسڤی ) ل سالا ۱۹۱٨ ل ناوچەدارییا بامەرنێ یێ هاتیە لسەر دونیایێ خواندنا خوەیا سەرەتایێ ل بامەرنێ بداوی ئانیە ، پاشان خواندنا دووێ ناڤنجیێ ل بەغدا تەمامکریە دناڤبەرا سالێن ۱۹٤۲ ـ ۱۹٤۳ ) کولیژا (دار العلوم ـ الشریعە ) ل بەغدا بداوی ئانیە ،
چەندین باژێرو دەڤەرێن کوردستانێ و عیراقێ وەك نڤیسکارو ماموستا ل دادگەها و رێڤەبەر و وەزیرو ئەمیندارێ گشتی کارکریە،
سالا ۱۹۳۹ ێ تەڤلی بزاڤا سیاسیێ یا نەتەوەیێ دبیت رولەکی باش گێرایە ئێك ژ دامەزرینەرێ کومەلا هێوا و دامەزرینەرێ پارتا دیموکراتا کوردستانێ ل مەها تەباخا ل سالا ۱۹٤٦ بسەرکرداێەتیا بارزانیێ نەمر
هەر وەسا دبیتە ئێك ژ دامەزرینەرێ پارتیا سوشیالیستا کوردستانێ ل مەها تەباخا ل سالا ۱۹۷٨ ێ شیایە برەگەکی راستەخوە تەڤلی شورەشا ئیلونا مەزن بوویە دبیتە ئێك ژ ئەندامێ مەکتەبا سیاسیێ یاپارتی دبێاڤێن بزاڤا چاند و ئەدەب و رەوشەنبیریا کوردی دا نڤیسکارەکی خودان شیان بو بوارێ ڤەهاندنا هەلبەستا کوردی و گوتارێن رامیاری وێژەیێ و جڤاکی و ……… هند ،
تایبەت لسەر ئاستێ دەڤەرا بەهدینان چەندین هەلبەست و گوتارێن وی دبەرپەرێن گوڤارو روژنامەیاندا هاتینە وەشاندن گوڤارا (روناهی ، گلاڤێژ ، هاوار ، شمس کردستان ) چەندین پلەێن بەرپرساتیێ وەردگرت دناڤبەرا سالێن (١٩٦٧ ـ ١٩٦٩) دبیتە سەر نڤیسکارێ گوڤارا (شمس کردستان ) ئێك ژ دامەزرینەرێ وەشاندنا روژناما (التاخي) ل بەغدا. وەك نڤیسکارو روژنامەڤانەکی خودان شیان رولەکی کاریگەر هەبوو دناڤا ناڤەند ێن بزاڤا روژنامەڤانیا کوردی و عەرەبیدا خودان کەساێەتیا بهێزبوو دبێاڤێن کومەلاێەتیێ و ئاشتیخواریێ دا خزمەت و خەباتا وی بو مافێ رەوایێن دوزا نەتەوەیا خەلکێ کوردستانێ ،
چەندین هەلبەستێن بووینە سرودە و ستران ژ ئالیێ هندەك هونەرمەندێن کوردستانێ ڤە هاتینە گوتن ،
بەلێ جهێ داخی یە ژئالیێ هندەك کرێگرتیێن هاوارگێریا رژێما عەفلەقی ڤە ل بەغدا برێکا هنارتنا نامەیەکا مینترێژکری دگەهینتە مالا ماموستایێ و دگەهیتە دەستێ وی ئێکسەر وێ نامێ ڤەدکەت و دەستدا دپەقیت تێتە شەهیدکرن ل روژا (٢٥ێ خزیرانا سالا ۱۹٨۱) پاشان ل روژا پاشتر جەنازی وی ژ بەغدا تێتە ڤەگوهاستن بەرەڤ باژێرێ زاخو دبن لگورەی وەسیەتا شەهیدێ جوننەمەرگ دگێرانا رێورسمەکی ژهەژی مەزن دا پری بشینیێ خەمگین جەنازێ وی ل گۆرستانا کەڤن ل زاخو تێتە خاکسپاردن ،
هزار سلاڤ ل گیانێ شەهیدێ جوانەمەرڴ نڤیسەرو ماموستا (صالح یوسفی )تەڤایا شەیدێن بزاڤا ئازدایخواز و سەروەرێ مەزن بارزانیێ نەمر و ئێدریسێ جونەمەرگ .
Comments are closed, but trackbacks and pingbacks are open.