زانیاریێن زێدەتر بزانە لسەر وی گەنجێ ل دهۆکێ تەقە لێهاتیە کرن .
ل سەنتەرێ باژاڕێ دهوك تەقە ل گەنجەكی هاتەكرن و سەرەڕای دژوارییا برینا وی پۆلیسێن دهوك دووپات دكەن وی گەنجی گیانێ خۆ ژدەست نەداییە و ئەنجامدەرێ كریارێ ژی هێشتا نەهاتییە دەستەسەركرن.
ل ئێڤارییا ئەڤرۆ ڕۆژا دووشەمبی 27 ـ 6 ل بازارێ پانۆراما سەنتەر، كو دكەڤیتە سەنتەرێ بازاڕێ دهوك تەقە ل گەنجەكێ تەمەن 25 ـ 30 ساڵی بناڤێ ئەیاز سەردار هاتەكرن و ب گرانی برینداربوو.
د داخۆیانیەكێدا دەربارێ ڕوودانێ هێمن سلێمان پەیڤدارێ بناڤێ ڕێڤەبەرییا گشتییا پۆلیسێن پارێزگەها دهوك ڕاگەهاند، ل دەمژمێر پێنجی ئێڤاری تەقە ل ئەیاز سەردار هاتییەكرن، و بۆ نەخۆشخانا تەنگاڤیان هاتە ڤەگوهاستن و هەتا بەڵاڤكرنا ڤی هەواڵی، ناڤبری یێ لژێر چاڤدێریا چڕ و چارەسەرییا بۆ دهێتەكرن.
هێمن سلێمان ئەو چەندە ژی خۆیاكر كو ئەنجامدەرێ وێ كریارێ بۆ جهەكێ نەدیار ڕەڤییە و هەتا نوكە نەهاتییە دەستەسەركرن، و دەربارێ ئەگەرێن تەقەكرنێ ل وی گەنجی پەیڤدارێ بناڤێ ڕێڤەبەرییا پۆلیسان دازانین كو پێڕابوون و ڤەكۆڵین دەستپێكرینە و هەوڵێن دەستەسەركرنا تاوانباری دبەردەوامن.
Comments are closed, but trackbacks and pingbacks are open.