دكتور پشدەر عەبدوللا، ڕێڤەبەرێ نەخۆشخانا جەمال ئەحمەد رەشید یا زارۆكا ل سلێمانیێ ڕاگەهاند، پەژیكا كۆرۆنا بشێوەیەكێ زێدە دناڤ زارۆكاندا بەڵاڤبووییە، بەلێ دماوێ دوو ڕۆژاندا پشتی وەرگرتنا چارەسەریێ ڕەوشا ساخلەمییا وان باش دبیت، و دكتور پشدەر گوت: پلەیێن گەرماتییا لەشێ زارۆكی و ئێشانا گەوریێ و هاتنە خوارا ئاڤێ ژ دفنێ نیشانێن سەرەكیێن پەژیكێ نە.
ژلایێ خۆڤە وەزارەتا ساخلەمییا عیراقێ هۆشداری دا ژ مەترسییا بەڵاڤبوونا پێنجەم پێلا كۆرۆنا ل وەڵاتی و ئاشكرا كر، كو تنێ دماوێ 24 دەمژمێراندا، سێ هزار و 491 حالەتێن تووشبوونێ ب وێ پەژیكێ ل سەرانسەری عیراقێ هاتینە تۆماركرن، و ل پارێزگەها دهوك 267 حالەت هاتینە تۆماركرن، ل گورەی ئامارێن وەزارەتا ساخلەمیێ دهەمان 24 دەمژمێراندا چوار كەسا ژئەگەرێ تووشبوونێ ب وی ڤایرۆسی گیانێ خۆ ژ دەستداییە.
Comments are closed, but trackbacks and pingbacks are open.