توڕێن جڤاکی.. ئەو سویکێن هەرتشت لێ دهێتە پێشاندان

سالح حکیم

کەنگی پێدڤیە پەسنا کار و بزاڤ و شیانێن خوە، یان کەسێ بەرانبەری خوە بکەین، ئەم بگشتی لەزێ د بریارێن بەروەخت دا دکەین، هەکە ب نڤێسینا کومێنتەکێ ژی بیت. بێکو ل هیڤیا دەمی ڕاوەستین، چونکی بورینا دەمی هەلبژارتنا ئەرێنی و نەرێنیا هەر وەسفەکا تە بۆ یێ بەرانبەری تە د سەلمینیت وێ ڕاستیا تە ل پێشوەخت یا ب ئەرێ و نەرێ ل قەلەمدای دناخێ وەرگری دا د پەژرینن، دا بەحس ل چەند نمۆنەیێن تورێن کۆمەلایەتی بکەین، تایبەتی فێسبۆک. بوویە ئالاڤێ سەنگ و هەڤنێزیکبوونا ئێکدو نیاسینێ، پتریا جاران ب رێیا ڤان تورێن جڤاکی کارێن مە دهێنە پێشاندان، رۆژانە هندەک کاراکتەر ل ئەڤان تورێن جڤاکی دۆرستدبن، دهەموو بواران دا ئێکدو پێ ناڤدکەین، دەما دبێژین فلان کەس د بیاڤێ نڤێسینێ دا کەسەکێ چالاک و ژێهاتیە ئەڤجار هەر چو جورێ نڤیسینێ بیت هەلبەست، و چیرۆک و ڕۆمان، بێکۆ مە ژ نێزیک سەنگ و ئاستێ زانین، و مەعریفەیا وی کەسی ناسکربیت، هەر ب رێیا ڤان توریێن جڤاکی، هندەک بووینە قارەمان، و کاراکتەرێن مەیدانێ مافێ هندەکان ژی پێشیل دبیت، نە هەر کەسێ ژ مە چار ڕەش ڕەشک نڤێسان، ناڤێ وی ڕەوشەنبیرە. بەلکو فەرە دانپێدانێ بکەین، مە نەشیایە وەکو پێدڤی، پێزانینێن مەعریفی د مەژیێ تاکێ جڤاکی دا بچینینن. داکو لڤێرە پتر فۆکسێ بێخین سەر کاراکتەرێن هەمەرەنگییا پارڤەکرنا ئاستێ ڕاگەهاندنا سۆشیالێ گەلەک جورێن دی یێن نڤێسینێ،

“پتریا جاران ب رێیا ڤان تورێن جڤاکی کارێن مە دهێنە پێشاندان، رۆژانە هندەک کاراکتەر ل ئەڤان تورێن جڤاکی دۆرستدبن”

بکەینە هێڤێنێ ڤی بابەتی. دەما ئەم پەسنا کەسەکی دکەین، ئەها ل وی دەمی دێ مالا وان خرابکەین بارێ وان جورە کەسا گرانتر لێکەین. دێ هەموو هەوەلدانا کەت، و شیانێت خوە مەزێخیت، دا وان خەون و خەیالا بکەتە ڕاستی، ئەو پاشناڤێ ژ لایێ هندە کەساڤە ب شاشیڤە بوو هاتیەدانان، نەبیتە هیڤیەکا هەلاویستی، داکو خەونا پێڤەنەبینیت چونکی وەختێ مرۆڤی بڤێت ب فریت، هینگێ پێدڤی پەرایە، دا بشێت پێ بفریت، دەما مرۆڤ کارەکی دکەت، پێدڤیە رازیبوونا پڕانیا کەسێن دەورۆبەر بدەستڤە بینیت، سەر پیڤەرەکێ زانستی بهێت قەبۆلکرن. نە بتنێ ب رێیا ڤان تورێن جڤاکی بیت، فەرە مرۆڤی ئەزموونا خوە پێگەهاندنێ هەبیت، سەر پرەنسیپەکێ زانستی خوە ئاڤاکربیت، دا ئەو کارێ تە ئەنجامبدای، دگەل بای نەهێت. و دگەل بای نەچیت، ئێدی بەسە هەتا مرنێ بلا پەسنا شاشیێن ئێکدو نەکەین.

• دکاری هەموو بابەتێن خۆ ببینی….