ئەڤرۆ ڕۆژا پێنجشەمبی ڕێكەفتی هەشتی مەها (زو الحججە)یە، ئێكەم مەراسیم ژ ئەداكرنا فەریزا حەجێ ل وارگەهێن پیرۆزێن ئیسلامێ ل عەرەبستانا سعودی دەستپێكرن، و بۆ ئەداكرنا فەریزێ زێدەتر ژ ملیۆن كەسا قەستا مالا خودێ كرییە.
ئەڤرۆ ل وارگەهێن پیرۆزێن موسلمانان حەجیا ل مەشعەر ئەحرام گرێدان و ئێكەم مەراسیما ئەداكرنا فەریزێ دەستپێكر و ، و سوباهی ڕۆژا ئەینی دێ قەستا چیایێ عەرەفێ كەن. ل گورەی ئامارێن وەزارەتا حەج و عومرێ یا عەرەبستانا سعودی بەڵاڤكرین، د وەرزێ ئەڤ ساڵەیێ حەجێدا، زێدەتر ژ ملیۆن كەسا ژناڤخۆیی و دەرڤەی عەرەبستانا سعودێ دێ فەریزێ ئەداكەن.
دهێتە زانین ل ساڵا 2021 ژئەگەرێ كاریگەرییا ڤایرۆسێ كۆرۆنا تنێ (60) كەسا ل سەر هەردوو ئاستێن ناڤخۆ و دەرڤەی سعودیێ قەستا وارگەهێن پیرۆزێن ئیسلامێ كربوو، ل پێشی بەڵاڤبوونا ڤایرۆسێ كۆرۆنا ژی ساڵانە نێزیكی سێ ملیۆن كەس دچوونە حەجێ.
Comments are closed, but trackbacks and pingbacks are open.