سەرۆکێ هەڤپەیمانیا فەتح ڕاگەهاند، ب چ ئاوایەکی خۆ بۆ پۆستێ سەرۆک وەزیرێن عێراقێ بەربژێر نەکریە. دبێژیت ژی، “د حکومەتا داهاتیدا پشکداریێ ناکەت”.
ئەڤرۆ دووشەمبی، هادی عامری سەرۆکێ هەڤپەیمانیا فەتح و ئێک ژ هێزێن دیارێن ناڤا کڤانا هەڤبەندیا شیعەیان ڕاگەهاندنەک بەلاڤکریە و دناڤدا هاتیە، ب چ ئاوایەکی خۆ بۆ پۆستێ سەرۆک وەزیرێن داهاتیێن عێراقێ بەربژێر نەکریە.
د پشکەکا دیا وێ راگەهاندنێ دا هاتیە، د دەمەکیدا گەلێ عێڕاقێ چاڤەڕێ دکەت بەرکەفتێن دەستوری بهێنە جێبەجێکرن و حکومەتەکا خزمەتگوزاریا نشتیمانی بهێتە پێکئینان، پشکەک ژ میدیایان وەسا بەلاڤکریە کو هەڤرکی لسەر پۆستێ سەرۆکوەزیران کەفتیە دناڤ کڤانا هەڤبەندی دا.
دبێژیت ژی، ئەڤ هەڤرکی و ناکۆکیە ب هەلوەشاندنا کڤانا هەڤبەندی ب داوی دهێن.
ئەڤ یەک ژی دایە دیارکرن، “ئەز ڤان نووچەیێن نەڕاست رەتدکەم، رەنگە لسەر ڤان نووچەیان پارە پێ هاتبیتە دان، وە پشتڕاست دکەم ئەڤ نووچەیە دوورن ژ ڕاستیێ”.
هادی عامری بەحسا وێ ژی کریە، یا گرنگ پاراستنا ئێک ڕێزیا کڤانا هەڤبەندیە، هەرچ ژدەستێ وی بهێت دێ پێشکێش کەت و ب هەمی شیانێن خۆ دێ پشتەڤانیێ ژ بەربژێرێ کڤانا هەڤبەندی کەتن بۆ پۆستێ سەرۆک وەزیرێن داهاتیێ حکومەتا عێراقێ. دبێژیت ژی، پشکداریا حکومەتا داهاتی ناکەت.
Comments are closed, but trackbacks and pingbacks are open.