وەزیرێ نافخۆ، ئەڤرۆ دێ بڕیارێ لسەر ڤەکرنا دەرگەھێن مزگەفتان دەین
زێ بادینان .
ھەرێما کوردستانێ قەدەغەیا ھاتنوچوونێ وەک نھا نامینیت و دێ گوھرین تێدا ھێنەکرن، وەزیرێ ناڤخۆ ژی دبێژیت،” ئەڤرۆ دێ بڕیارێ لسەر ڤەکرنا دەرگەھێن مزگەفتان دەین.
رێبەر ئەحمەد، وەزیرێ ناڤخۆیێ حکومەتا ھەرێما کوردستانێ د کونگرەیەکێ رۆژنامەڤانی دا راگەھاند: قەدەغەیا ھاتنوچوونێ وەکی نھا نامینیت و دێ گوھرین تێدا ھێنەکرن، لێ ھێشتا نزانین کا دێ چاوابیتن و پشتی کومبوونێ دێ میکانیزمان ئاشکەرا کەیین، لێ دێ رێکار ب شێوەیەکێ بن کو دگەل مەھا ڕەمەزانا پیرۆز و پارشیڤێ و مەراسیمێن ئاینی بگونجن.
وەزیرێ ناڤخۆ گوت ژی،” قەدەغەیا ھاتنوچوونێ دێ گوھرین بسەردا ھێن، ب تایبەتی ل ڤێ مەھا ڕەمەزانا پیرۆزدا ژیان دێ کەڤیتە شەڤێ، ژبەر ڤێ چەندێ دێ گونجاندنێ کەیین دگەل بەربانگی و پارشیڤێ و پەرستنێن دوێ مەھێ دا، بۆ چاوانیا رێکاران ژی دێ گونجاندنەک ھەبیت و دێ بەرئێکەفتن ژی بەرچاڤ ھێتە وەرگرتن”.
ئاماژە ب وێ چەندێ کر،” ب پشتبەستن ب راپورتێن ساخلەمیێ دێ بڕیارێ لسەر ڤەکرنا دەرگەھێن مزگەفتان دەین، ھەر ئەڤرۆ دێ بڕیار ھێتەدان، لێ ڕەوشا ساخلەمیێ و کرنا زکری دێ بەرچاڤ وەرگرین و دێ گونجاندنێ تێدا کەیین”.
ئەڤە ژی ددەمەکێ دایە، بڕیارە ئەڤرۆ رۆژا ئێکشەمبی لیژنا بلندا روویبرووی بوونا کۆڕۆنایێ کومببیت و بڕیارێن نوی سەبارەت رێکارێن نویێن قەدەغەیا ھاتنوچوونێ بدەت.
Comments are closed, but trackbacks and pingbacks are open.