كەناڵەكێ فەرمیێ توركیا ئاشكرا كر، حكومەتا سوید لیستەك بناڤێن (10) ئەندامێن پارتییا كاركەرێن كوردستانێ بەرهەڤكرییە و بڕیارە ل گورەی ڕێككەفتنا دناڤبەرا ئەنقەرە و ستوكهۆڵمدا هاتییە ئیمزاكرن، ل دەمەكێ نێزیك وان (10) ئەندامێن پارتییا كاركەران ڕادەستی حكومەتا توركیا بكەت.
كەناڵ (تەرەتە هەبەر) یێ توركی ئاشكرا كر، یاداشتناما دهەڤگەهشتنێ دناڤبەرا سوید و توركیادا یا بەردەوامە و ل گورەی مەرجێن وێ ڕێككەفتنێ ستوكهۆڵم لیستەك بناڤێن (10) پارتییا كاركەرێن كوردستانێ بەرهەڤكرییە و دێ ڕادەستی حكومەتا ئەنقەرە كەتن.
ژلایێ خۆڤە ل ڕۆژا سێشەمبی ڕێككەفتی 12 ڤێ مەهێ دەزگەهێن ڕاگەهاندنێ یێن سوید ئاشكرا كر، ل گورەی هەمان ڕێككەفتنا ل هەیڤا تیرمەهێ دناڤبەرا ئەنقەرە و ستوكهۆڵم دا هاتییە ئیمزاكرن، حكومەتا سوید چوار وەڵاتیێن توركیا كو هەلگرێن ڕەگەزناما سوید بوون، ڕادەستی حكومەتا ئەنقەرە كرینە.
دەربارێ وێ چەندێ ئامینا كاكە باوە، پەڕلەمانتارا كورد دپەڕلەمانێ سوید دا ڕاگەهاند، دیڤچوون بۆ وێ كەیسێ كرییە و دەرچوو دچەند ڕۆژێن دەربازبووییدا حكومەتا ستوكهۆڵم چوار كەس ڕادەستی توركیا كرینە، بەلێ هەتا نوكە دیار نەبووییە كا ئەو كەسە كوردبوون یان ژی ب نەتەوە توركن.
Comments are closed, but trackbacks and pingbacks are open.