وەزیرێ بازرگانی و پیشەسازی: د كابینه‌یا نه‌هێ دا مه زێده‌تر ژ 20 هزار ده‌لیڤێن كارى بۆ گه‌نجان په‌یداكرینه
ب هه‌لكه‌فتا ده‌ربازبوونا 3 سالان بسەر دەستبکاربوونا کابینەیا نه‌هێ یا حکومەتا هەرێما کوردستانێ کەمال موسلیم، وەزیرێ بازرگانی و پیشەسازی گۆتاره‌ك پێشكێشكر و راگه‌هاند، د كابینه‌یا نه‌هێ دا 2659 كۆمپانیێن ناڤخۆ و 87 كۆمپانیێن بیانى هاتینه تۆماركرن، مۆله‌ت بۆ 553 كارگه‌هێن كه‌رتێ تایبه‌ت هاتییه‌دان،26701 پشكنین بۆ به‌رهه‌مێ كارگه‌هان هاتییه ئه‌نجامدان، هه‌روه‌سا سه‌رجه‌مێ ئه‌ڤان كاران زێده‌تر ژ 20 هزار ده‌لیڤێن كارى بۆ گه‌نج و وه‌لاتیێن هه‌رێما كوردستانێ په‌یداكرینه.
کەمال موسلیم دیاركر: د سالێن بووریدا ئه‌م شیاین رێگربین ل گرانبوونا بهایێن خوارنێ د بازاریدا، هه‌روه‌سا ل ده‌مێ كه‌ره‌نتینێدا مه نێزیكى 20 هزار ته‌نێن خوارنێن سه‌ره‌كى بسه‌ر 200 هزار خێزانێن كێمده‌رامه‌ت دابه‌شكر.
Comments are closed, but trackbacks and pingbacks are open.