جێنین پلاسخارت، هنارتیا نه‌ته‌وێن ئێكگرتى ل عیراقێ پشتى كۆمبوونا جڤاتێ راگه‌هاند، تورکیا ئامادەیە ئاریشه‌یێن هاڤبه‌ش دگه‌ل عیراقێ چاره‌سه‌ر بكه‌ت داكو ئه‌وا رویداى، جاره‌كا دى نه رووده‌ت.
هنارتیا نه‌ته‌وێن ئێكگرتى گۆت، گرنگە هەمى هێرشێن لسەر ئاخا عیراقێ بهێنه راگرتن و ئەو دەستدرێژی نە ئالۆزیێ ل ده‌ڤه‌رێ دروست دکەن، بەلکو تراژیدیایا مرۆڤى ژى لدووڤ خوه دهێلن.
جێنین پلاسخارت دیاركر، نابیت عیراق بهێته بكارئینان بۆ ئه‌نجامدانا هنده‌ك شه‌رێن هه‌رێمی یێن تایبه‌ت و نابیت ببیته گۆڕەپانا ئێكلایكرنا ئاریشان ودڤێت سەروەریا وێ نه‌هێته پێشیلكرن و ئێكگرتنا ئاخا عیراقێ نابیت بئێخیته د مه‌ترسیێدا.
دیسان دیاركر: په‌كه‌كه گوهداریا حكومه‌تێن عیراقێ و هه‌رێمێ ناكه‌ت و مامه‌له‌كا خراب دگه‌ل خه‌لكێ ده‌ڤه‌رێ دكه‌ت و ناهێلیت حكومه‌تا عیراقێ و كوردستانێ بچنه وان ده‌ڤه‌رێن دكه‌ڤنه ژێر ده‌ستێ وان.
هه‌روه‌سا جێنین پلاسخارت، هنارتیا نه‌ته‌وێن ئێكگرتى ل عیراقێ دیاركر: عیراق نه‌شێت سه‌روه‌ریا خۆ لسه‌ر رووبه‌رێ 10 هزار كیلۆمه‌ترێن چارگوشه بپارێزیت، ژبه‌ر نه‌ئارامیا ئه‌وێ ده‌ڤه‌رێ و هه‌بوونا په‌كه‌كێ نێزیكی 800 گۆند هاتینه چۆلكرن.
Comments are closed, but trackbacks and pingbacks are open.