وه‌زاره‌تا په‌روه‌ردێ ده‌ربارێ نه‌رازیبوونان خویندكاران ئاگه‌هدار دكه‌ت

خویندكارێن پۆلا 12 ئاماده‌یى دشێن ژ31 / 7 هه‌تا 3 / 8 فۆرما نه‌رازیبوونێ پێشكێش بكه‌ن

پشتى راگه‌هاندنا ئه‌نجامێن خولا ئێكێ یێن تاقیكرنێن پۆلا 12 ێ ئاماده‌یى , وه‌زاره‌تا په‌روه‌ردێ ده‌ربارێ نه‌رازیبوونان , خویندكاران ئاگه‌هدار دكه‌ت .
وه‌زاره‌تا په‌روه‌ردا حكومه‌تا هه‌رێما كوردستانێ خویندكاران ئاگه‌هدار دكه‌ت كو ل ده‌مێ پڕكرنا فۆرما نه‌رازیبوونێ چه‌ند خالان ل به‌رچاڤ بگرن , ژوانا خویندكار دشێن رۆژا ئێك شه‌مبیێ 31 / 7 / 2022 فۆرما نه‌رازیبوونێ پڕ بكه‌ن و دوماهیك ژڤان ژى دێ 3 / 8 /2022 بیت.
هه‌روه‌سا خویندكاران ئاگه‌هدار دكه‌ت كو دماوێ دیاركریدا بۆ پێدان و وه‌رگرتنا فۆرما نه‌رازیبوونێ ل خواندنگه‌هێن خۆ ئاماده‌ بن.