زێ بادینان ، ئێراق:
ئه‌حمه‌د ئه‌لوه‌ند سه‌ركردێ هه‌ڤپه‌یمانیا نه‌سر كو حه‌یده‌ر عه‌بادی سه‌رۆكایه‌تیێ وێ دكه‌ت د داخویانیه‌كا رۆژنامه‌ڤانیدا ڕاگه‌هاند: بێی دیالوگ هه‌لبژارتێن به‌روه‌خت ناهێنه ئه‌نجامدان ژبه‌ر ڤێ چه‌ندێ پێتڤیه هێزێن سیاسیێن عیراقێ ل گوری نه‌خشه‌یه‌كێ روون و ئاشكه‌را ده‌ست ب دیالوگێن نیشتیمانی بكه‌ن كو ببیته ئه‌گه‌رێ هه‌لبژارتنه‌كا نویا دادپه‌روه‌رانه.
گوت ژی،” چ چاره‌سه‌ریه‌ك بۆ قه‌یرانا سیاسی بێی هه‌بوونا دیالوگێن گشتیێن نیشتیمانی دناڤبه‌را هێز و لایه‌نێن سیاسی نینه، داكو نه‌خشه‌رێكه‌كێ دابرێژن بۆ قوناغا ئاینده، ئه‌ڤه ژی دێ بیته ئێكه‌م پێنگاڤ بۆ چوونێ به‌ره‌ڤ هه‌لبژارتنێن به‌روه‌خت”.
به‌حس ژ وی َچه‌ندێ ژی كر،” قه‌یران دناڤبه‌را ڕه‌وتا سه‌در و چارچوڤی َهه‌ڤكاریا شیعی پشتی هه‌لبژارتنان سه‌رهه‌ڵدان، خۆڤه‌كێشانا په‌رله‌مانتارێن ڕه‌وتا سه‌در ل جڤاتا نینه‌ران و دویڤدا ژی ب ئه‌گه‌رێ كاندیدكرنا محه‌مه‌د شیاع سودانی ژلایێ چارچوڤی َهه‌ڤكاریا شیعی ڤه لایه‌نگرێن ڕه‌وتا سه‌در وه‌ك نه‌ڕازیبوون بسه‌ر په‌رله‌مانیدا گرت، قه‌یران دناڤبه‌را هه‌ردوو لایاندا زێده‌تربوون، ژبه‌ر ڤێ چه‌ندێ تاكه رێك، ڕیكا دیالوگ و گوتوبێژكرنێیه داكو ئه‌ڤ ڕه‌وشه ئاسایی ببیت”.
Comments are closed, but trackbacks and pingbacks are open.