بهایێ نەفتێ بلندبوو

بهایێ نەفتێ بلندبوو

دەزگەهێ مێدیایێ زێ بادینان

ب هەڤبەرکرن دگەل دوهی، ئەڤرۆ بهایێ نەفتێ د بازارێن جیهانێ دا بلندبوو و ئەو ژی ژبەر زێدەبوونا خاستێ لسەر گرێبەستێن داخستی.

لگۆری داتایێن بۆرسەیێن جیهانی، ئەڤرۆ سێشەمبێ 12ى 4ى2021، هەر بەرمیلەکا نه‌فتا خاڤا برێنت د بازارێن جیهانێ دا ب 63 دۆلار و 50 سەنتان بازاڕ پێ دهێتەکرن .

هەڤدەم، بهایێ بەڕمیلەکا نه‌فتا خاڤا ئەمریکی ژی د بازارێن جیهانێ دا ب 60 دۆلار و 90 سەنتان بازاڕ پێ دهێتەکرن   .

ئەڤە ژی د دەمەکیدایە، ل دەمێن دەربازبووی، بهایێ نەفتێ بۆ سەری 70 دۆلاران بلندبوو، کو ئێکەمجار ل پشتی وێ ل سالا دەربازبووی ژ ئەگەرێ بەلاڤبوونا ڤایرۆسا  کۆرۆنایێ و ژ کارکەفتنا کارگەهێن مەزنێن جیهانێ و راگرتنا لڤینێن ئامیر و ترۆمبێلان، بهایێ نه‌فتێ بۆ نزمترین ئاست د دیرۆکێ دا داکەت   .

بلندبوونا بهایێ نەفتێ دێ کارتێکرنەکا مەزن لسەر ئابورێ عیراق و هەرێما کوردستانێ هەبیت ژبەرکو پرانیا داهاتان پشت بەستنێ ب فرۆتنا نەفتێ ددەت .

 ل ئادار و نیسانا سالا دەربازبووی، بهایێ نه‌فتا خاڤا برێنت بۆ خار 25 دۆلار و نه‌فتا خاڤا ئەمریکی ژی بۆ ئێکەمجار د دیرۆکێ دا بۆ 37 دۆلاران ل ژێر سفرێ داکەت   .