جاره‌كا دی بوریا ئاڤا ئیفرازی 3یا هه‌ولێرێ شكه‌ست و ب ڤێ چه‌ندێ ژی دێ هژماره‌كا تاخێن وێ پارێزگه‌هێ بێ ئاڤ مینن.
زه‌رده‌شت سه‌رسام رێڤه‌به‌رێ ئاڤا هه‌ولێرێ ڕاگه‌هاند: ئه‌ڤرۆ رۆژا شه‌مبی جاره‌كا دی بوڕیا ئاڤا ئیفرازی سێ ل ده‌ڤه‌را گه‌زنه شكه‌ست، هه‌تا دهێـه درۆستكرن 40% یا تاخێن هه‌ولێرێ دێ بێ ئاڤ مینن.
بوریا ئیفرازی سێ ل ساڵا 2004 ل زێیێ مه‌زن ئاڤێ بۆ ناڤا سه‌نته‌رێ باژێرێ هه‌ولێرێ ڤه‌دگه‌هێزیت، مه‌ها ده‌ربازبووی ژی چوار جاران ئه‌و بوریه شكه‌ستیه، دده‌مێ ساڵه‌كێدا ئه‌ڤه بۆ جارا 26 ێ یه ئه‌و بوریه دشكێت و ب ڤێ چه‌ندێ ژی چه‌ندین تاخێن هه‌ولێرێ بێ ئاڤ دمینن.
ل دویڤ روونكرنه‌كا به‌رێ یا پارێزگارێ هه‌ولێرێ، ئه‌گه‌رێ سه‌ره‌كیێ شكه‌ستنا ئێك ل دویڤ ئێكا ڤێ بوریێ بۆ بسه‌رڤه‌چوونا ماوێ وێ بوریێ ڤه‌دگه‌ریت و ئاشكه‌را ژی كر، بودجه‌یێ پێتڤی ل به‌رده‌ست نیه داكو ب ئێك جاری ئه‌و بوریه بهێته گوهرین كو زێده‌تر (20) ملیار دینارێن عیراقێ تێچوویێ وێ یه و ل ڤان نێزیكان دێ ده‌ست ب گوهرینا وێ بوریێ هێته‌كرن.
Comments are closed, but trackbacks and pingbacks are open.