سالح محه‌مه‌د ته‌یرۆ
ره‌نگه ئه‌ڤ مانشێته ژلایىٍَ خوێنده‌ڤانانڤه گه‌له‌كێ نامۆ یان غه‌ریب نه‌بیت , چونكه رۆژانه و ل دیوانا مرۆڤێن خه‌باتكار و شۆرشگیرو تێكوشه‌ر گوه لێ دبیت و دووباره دبیته‌ڤه ئه‌ڤه ژى بۆ هندێ دزڤریته‌ڤه كو ل پشتى سه‌رهلدانێ و وه‌كو پێدڤى سه‌ركردایه‌تیا سیاسى یا وان لایه‌نێن سیاسى یێن ئه‌و ب سه‌رڤه و هه‌ست ب خه‌بات و تێكوشین و خۆراگرییا وان یا ل سه‌رده‌مێ شۆرشا چیایى وه‌كو پێدڤى نه‌هاتیه كرن واته هه‌لسه‌نگاندنه‌كا ڕاسته‌قینه و ب ویژدانانه دنێڤبه‌را وان و یێن هه‌ڤدژى وان ل سه‌رده‌مێ شۆڕشێ دا نه‌هاتیه كرن وهه‌رچه‌نده ڕه‌نگه دمفادار ژى بن واته یێ به‌راورده‌كێ دنێڤبه‌را مفاداریا خو یێن دى دكه‌ت مینا ئه‌ردو ئه‌سمان ژێك جودانه ژ هه‌مى لایه‌كێڤه ، لێ فه‌ره هه‌ست بكه‌ن كو خه‌بات و به‌رخۆدانا وان گه‌له‌ك ل پله و پایه و سه‌روه‌ت وسامانى مه‌زنتره چونكى ئارمانجا وان ئه‌ڤ ئازادیى یه یاكو ئه‌م ب ره‌نج و خه‌بات و به‌رخودان و قوربانیدانا وان تێدا دژین و سه‌رێ وان ژى ته‌مه‌ت چیایێن كوردستانێ دبلندن , لێ وى ژى ژیان دڤێت و تا كه‌نگى یێ قه‌ردارو شه‌رمه‌زارى خێزان و زارۆیێت خو بیت .
ئه‌گه‌ر ئه‌م هنده‌ك بزڤرینه‌ڤه بو ته‌ڤگه‌رێن رزگاریخواز ل هه‌مى دونیایێ ودێ بومه دیار بیت ل ده‌مێ سه‌ركه‌فتنێ ب ده‌ستڤه دئینن و دگه‌هنه وان ئارمانجین وان خه‌بات ژێرا كرى و قوربانى ل پێناڤ دایین هه‌رئێكسه‌ر پشتى سه‌ركه‌فتنێ هزر د مالباتین قوربانیده‌ر وتیكوشه‌ر شۆرشگیرو خه‌باتكارین شۆڕشى دكه‌ن وهه‌ست ب ماندیبوون و ئێش و ئازارێن وان كیشایى ل سه‌رده‌مێ شۆرشێ وخزمه‌ت وخه‌باتا وان ب بلند دنرخینن و میدیالێن به‌رخۆدانێ پێ دهێنه به‌خشین و دبنه مرۆڤێن تێكۆشه‌رێن گه‌ل و وه‌لاتى وجهین ریزگرتنێنه ل هه‌مى سازیێن وێ ده‌ستهه‌لاتێ , ئه‌ڤه ژى مافه‌كێ سرۆشتیێ وان قه‌هره‌مانایه وكه‌س منه‌ت وخێرى ژى پێناكه‌ت ژبه‌ركۆ ل سه‌رده‌مێ روژێن سه‌خت و دژوار به‌ره‌ڤانكارێن وه‌لاتى خۆ بووینه و ژبلى ده‌ستكه‌فتیێن مادى ….
لێ مخابن ئه‌ڤ چه‌نده ل هه‌رێما كوردستانێ و ل پشتى سه‌رهلدانا بهارا سالا 1991 ێ ڤه وه‌كو پێدڤى به‌رامبه‌ر ئه‌ڤان قه‌هره‌مانا نه‌هاته كرن وهه‌ر هیچ نه‌با لیسته‌كا تایبه‌ت هه‌با و بلا ب نهێنى ژى بان , ئه‌ڤه ژى دڤزڤریته‌ڤه ژبه‌ركو جه‌ماورێ كوردستانێ ب گشتى رٍاپه‌رى و بوو پشت و په‌نایێ بزاڤا رزگاریخوازیا گه‌لێ كوردستانى وشیان باشورێ كوردستانێ ل رژێما به‌عس و دویڤه‌لانكێن وان پاقژو رزگار بكه‌ن ، دیسان لێبورینا گشتى یا به‌ره‌یى كۆردستانى ل وى سه‌رده‌مى كۆ پێدڤى بوو به‌رییا ئه‌ڤ لێبورینه بهێته ده‌رئێخستن هزر د شۆرشگێرێن خۆدا كربان وچه‌ند برگه‌یه‌ك دبه‌رژه‌وه‌ندیا واندا هاتبانه دیار كرن وڕه‌ش وسپى لێك هاتبانه ڤاڤارتن نه‌ك ڤه‌ژاندنا هزرا به‌رته‌سكا عه‌شیره‌تگه‌رى و خێله‌كى و ده‌ره‌به‌گایه‌تى ودیوانخانێن وان یێن ئه‌م دزانین ، ئێك ل شاشیێن سیسته‌مێ دیموكراسى دا ئه‌وه كریارێن هه‌مى جوره مرۆڤه‌كێ هه‌نه چونكى وه‌رگرتنا ده‌ستهه‌لاتێ دپروسیسا هه‌لبژارتنان دایه و هه‌مى ده‌نگ وه‌ك هه‌ڤن بو سه‌ركه‌فتنا ڤى لایه‌نى و لایه‌نێ دى یى سیاسى د سندوقێن ده‌نگدانێ دایه …هتد . له‌وما ئه‌ڤرۆ ئه‌ڤ مرۆڤێن هه‌مى ژیانا خو یا گه‌نجاتیێ مه‌زاختى ل شۆرشێ دا و سه‌روه‌ت و سامانێ خو ژى كرى یه قوربانى ودانایه سه‌ر ل پێناڤ سه‌رقیرازیێ یێ هه‌ست ب كێماسیێن خو دكه‌ن چونكه وه‌كى پێدڤى هه‌ست ب خزمه‌تا وان نه‌هاتیه كرن و یێ شه‌رمێ ل ژیانا خێزان و مالباتێن خو دكه‌ن و ئه‌وێن دوهى ل دژى وان و شورشا وان یێن دخۆشترین ژیاندا و چاڤێ وان تێكۆشه‌را یێن لبه‌ر ده‌ستێ وان كو هاریكاریا وان بكه‌ن یان هه‌ر هیچ نه‌بیت زارۆكێت وان ل جهه‌كێ بو دابمه‌زرینیت و بو هه‌ر كاره‌كێ ژى بیت تڤیا سه‌ره‌دانا وان بكه‌ت ئه‌و ژى ب هزار واسته‌یى ڤه .. بێگومان پشت گوه ئێخستن وپرس نه‌كرن ب ڤان خه‌باتكاروشۆرشگێرا دبیته فاكته‌ره‌ك كو ئه‌ڤ تێكۆشه‌ره ب دله‌كێ ئاخینكڤه ب بێژیت یا مه بو كرى ئه‌ڤه نه‌بوو , یان ل خزمه‌ت و خه‌بات جوره په‌شێمانیه‌ك هه‌بیت !!!!! رێز نه‌گرتن ل ڤان قه‌هره‌مانا دبیته ئێك ل فاكته‌ره‌كى سه‌ره‌كى یێ لاواز بوونا هه‌ستێ نه‌ته‌وى ونیشتیمانى بو نفشێ نوى چونكه ئه‌ڤ نفشێ نوى هاتینه سه‌ر سفره‌كا حازر و به‌لگه ل سه‌ر گوتنا مه نامه‌یا جه‌ماورێ كوردستانێ بوو لڤان هه‌لبژارتنێن ڤێ دویماهیێ كو ئاراسته‌یى هه‌مى لایه‌نێن سیاسى كرى . له‌وما فه‌ره هه‌مى لایه‌نێن سیاسى لێزڤرینه‌یه‌كا بله‌ز دسیاسه‌تا خۆدا بكه‌نه‌ڤه و چاڤخشاندنه‌كێ دوان شاشیێن خودا بكه‌نه‌ڤه و ب زویترین ده‌م پرس ب حالێ ڤان قه‌هره‌مانان بهێته‌ڤ كرن و ده‌رگه‌هێن خو بو ڤالا بكه‌ن تاكو بكارن ئێش و ئازارێن خو بگه‌هیننه وان و ئێدى به‌س بیت ببێژن كى كرو كى خار و یا مه بو كرى ئه‌ڤه نه‌بوو !!!! …..
Comments are closed, but trackbacks and pingbacks are open.