به‌رى هه‌شت سالان، ل جینوسایدا سنوورێ شنگالێ تیرۆرستێن داعش زێده‌تر ژ هزار و 200 كوردێن ئێزدى یێن گۆندێ كۆچۆ ده‌سته‌سه‌ركرن و د رۆژه‌كا وه‌كى ئه‌ڤرۆدا ل 15-8-2014 زه‌لامێن وان هه‌مى كومه‌لكۆژ كرن و ده‌ستێ خوه دانا لسه‌ر كچ و ئافره‌ت و زارۆكێن وان.
ئێك ژ كه‌سوكارێن قوربانیێن گوندێ كۆچۆ، لدۆر كۆمه‌لكۆژیی دیاركر، ژلایێ تیرۆرستێن داعش دا به‌رهنگارى كومه‌لكوژیێ بوینه‌و زێده‌تر ژ 200 كه‌سان ده‌سته‌سه‌ركرن و ئه‌و كه‌س ل قوتابخانا گۆندى كۆمكرن، پاشى پاره و زێر و موبایلێن وان ژێ وه‌رگرتن و داخواز ژێ كر ئاینێ خوه بگوهورن، به‌لێ موختارێ گۆندى و خه‌لك رازى نه‌بوون، ژبه‌رهندێ وان تیرۆرستان زه‌لام جوداكرن و برنه دناڤ گۆرێ ب كۆمدا و گوله بارانكرن، ژن و زارۆكێن وان برنه موسل و ره‌قه، كرین و فرۆتن پێكر.
ئاماژه‌ب هندێ ژى كر، هه‌تا نوكه هژماره‌كا زۆر ژ وه‌لاتیێن گۆندێ كۆچۆ بێسه‌روشینن و زۆر كچ و ژن ژى هاتینه رزگاركرن، هێشتا روفاتێن هژماره‌ك ژ زۆرا خه‌لكى نه‌هاتینه دیتن.
هه‌روه‌سا ژ 3 هه‌تا 15ى مه‌ها ته‌باخا 2014ى خه‌لكێ ۆندێ كۆچۆ ل بن ده‌ستێ داعشێ دابوون و ل رۆژه‌كا وه‌كى ئه‌ڤرۆ هاتنه كۆمه‌لكۆژكرن و زێده‌تر ژ 800 كچ و ژنێن گۆندى گرتن، كرین و فروتن پێكرن.
Comments are closed, but trackbacks and pingbacks are open.