عادل ئۆرەماری
ل کارگەھەکێ ڕێڤەبەرەکێ نوی بۆ ھاتە دانان ھەر ل ڕۆژێن دەستپێکێ ب شێوەکێ خۆ زڵ زان رابوو ناڤ کارمەندێن خۆ گەریا و ب مەزنی فەرمان ددان، بەرێ خۆ دایێ ئێکێ ل بن دیواری خۆ بەردایەڤە بێ ئێک و دوو گۆت: مووچێ تە چەندە؟ گۆت: پێنچ سەد ھزار دینار گۆت: ئەڤە پێنچ سەد ھزارێ تە و ھەرەڤە و نەھێیەڤ ئێرە من کارمەندێن تەمبەڵ و بن دیوار نەڤێن یێن وەکی تە! کابرای ژی پارە وەرگرتن و وێرێ نەما، پاش بێنەک چوو پرسیار ژ کارمەندەکێ دگەل خۆ کر ئەو کێ بوو من دەرکری؟ خۆ نە ئاخفت ژی! گۆت: سەیدا نێ تە نەھێلا خۆ ئێک ژمە بۆتە بێژیت ژی، ئەو کابرا کرێکارێ خارنگەھەکێ بوو و خارن بۆمە ئینا بوو و کارمەندێ مە نەبوو، تە ئەو پارە دانێ! ڕێڤەبەرێ تازە دڤیا تازەتیێ بکەت بەلێ تەزاتیێ گرت.
لەوما دێ بینی ڕێڤەبەر ھاتنەگۆڕین ھەر ژ دەستپێکێ ڕێڤەرێن نوی دێ دەست ب گۆڕینێ کەن ژ ھەمی لاینڤە ب تایبەت گۆڕینا کەسان و کەسێن وەکێ خۆ ل دوور خۆ کۆمڤە دکەن داکۆ وێ بکەن یا وان دڤێت.
فەرە مرۆڤ گۆڕینێ بکەت د پێشکەفتنێ دا نەکۆ تاقیکرنێ بکەت ب تشتا مینا مشکێن چینی! نەک سالەکێ بەس ب پیرۆزباھیا ڤەبیت و سالەکێ ژی ب کۆمبووناڤە و سالەکێ ژی بەس ب سەفەرا ڤە و سالا دووماھیکێ ژی ب خاترا خاستنێ ئەو ژی ئەگەر ڕابی.
پێدڤیە ڕێڤەبەری سیفەتێن سەرکردا ھەبن نەک تنێ فەرمانا بدەت و نە کەساتیاخۆ بھێز بێخیت ل سەر حسێبا کەساتیا فەرمانبەرێن خۆ و وەسا ھزربکەت کۆ ئەوە و کەسێ دی نە، ناچێبت ڕێڤەبەر ھند ل سەرشاشێ بیت بۆ مەلاقیا و ھند ناڤ کارمەند و خەلکێ خۆ نەبیت، ڕێز بۆ یێن باش یێن خودی ئەخلاق و بنەما، تنێ بلا بزانن ئەو ژی ھەر مرۆڤن و ئەو ژی ھەر دچنە دەست ئاڤێ و ل ئاسمانان نە ھاتینە خارێ.
Comments are closed, but trackbacks and pingbacks are open.