شازدەیا تەباخێ ڕۆژا بەرخوەدانا كوردان

نڤیس:ادیبا عزالدین تاهر

کورد مللەتەکێ خوەدان زمان و نەتەوە و کلتوورە، ژبەر ئەگەرێن دیروكی و بارودوخێن سیاسی و ژبلی کو زێده تر ژ 40 ملیون کەسن و ژلایێ نەژادیڤە ل ڕوژ هەلاتا ناڤین و جهێ ڕونیشتنا وان دهێنە نیاسین ل جوگرافیا تورکیا و ئیراق و سوریا و ئیران وئەرمینیادا دۆسییێن دیروكی پەسندا ڕەسەناتیا کوردان دکەن خوەدانێن سروشت و جوگرافی و زمانن ل وان وەلاتێن مە ئیشارەت پێداین.
ڕێبازا بزاڤا ئازادی خوازا مللەتێ کورد ب سەرکرداتیا بابێ نەتەوا كورد( بارزانی نەمر) پشتی پشكداربوونا وی دگەل هەڤالێن شوڕەشڤان و دامەزراندنا کومارا مهاباد ل ئیرانێ ب سەرکردایەتیا (پێشەوا قازی محمد) و ئەوا هاتیە هەلوەشاندن ژلایێ ئیرانێڤە.
لەوڕا ( مەلا مستەفا بارزانی ) پارتیا دیموکرات یا کوردستانێ ل 16یا تەباخا سال ا1946 دامەزراندیە .ب ناڤێ ( پارتی دیموکراتی کورد) ئو د کونگرەیا سێیێ ل 16 کانوونا دوویێ یا سالا 1953 ل کەرکوکێ ناڤێ وێ هاتە گوهڕین و بوو ب ( پارتی دیموکراتی کوردستان) و هەر ژ دامەزراندنا ڤێ پارتێ گەلێ کورد بو پاراستنا ئاخ و نیشتیمانا کوردستانی و داخوازا مافێن ڕەوایێ مللەتێ کورد خەبتیە ژ بوی كو ل سەر ئاستێ ناڤخوی و هەرێمی و نیڤ دەولەتیڤە بهێن نیاسین و ئیتراف ب وان ڕە بهیت كرن.
ئەڤ پارتە بوویە بناخەیا شوڕەشێن چەکداری ل باکورێ ئیراقێ و ب هزاران قوربانی داینە پێخەمەت سەربەخوە بوونا مللەتێ کورد و مەزنترین داستانێن قەهرەمانتییێ ل مێژوویا هەڤچەرخ یا شوڕەشا ئەیلوول و گولانێ تومارکرینە.
ئەڤ هەردوو شوڕەشێن چەکداری ل ڕوژ هەلاتا ناڤین دهێن نیاسین ب شوڕەشێن نەتەوە بوونا دژی حکومەت و دەستهەلاتێن ئیراقێ، هەر ژ سەردەمێ دەستهەلاتدارەتی و حوكمڕانیا سەرکردێن ئیراقێ و حوکمرانیێن د دیڤدا هاتنە هەیا ژناڤبرن و هەڕفاندنا حکوومەت و ڕژێما بەعس ل سالا 2003.
دناڤا وان قوناخين دیروكیدا چووجاران مافێن مللەتیێ کوردان ل ڤی نیشتیمان و ڤی وەلاتی نەهاتیە دان ، لەوڕا مللەتێ کورد نەچار بو بەڕەڤانیێ ژ میللەت و نەتەوە و جوگرافیا خوە بکەت ئەو ژی ب بكارئانینا چەک ژ بو پاراستنا خەلك و جەماوەر و میللەتێ کورد ، پارتیا ديموكراتا كوردستانێ هەر ژ دەستپێكا دامەزراندنا وێ مینا پارەتەك سياسی د چوارچوڤەیەك نەتەوەیی ژ ئه نجامێ كاودانێن دیروكی دەرحەقێ مللەتێ كورد و ژبو بەڕەڤانی و دژبەراتیا وێ دانپێنەدان ب مافێ ڕەوايێ مروڤانتی دناڤ جڤاكێن جيهانی ئانکو سروشت و خاك و نەتەوه و شارستانيەتا گه لان ب ڕێكا نەتەوەیان دهێت نياسين.
ل دیروكا ڤێ پارتێدا چەندين ديمەنێن نەتەوايه تی و شارستانی و توماركرنا داستانێن جه نگ دژی سيستەمێن داگيركەر د پارزینكا وێدایە جەنگ دژی ئەوێن كو هەول دای ناسنامەیا گەل ژناڤ ببەن لەوما ب ناڤێ شوڕه شا ئه يلوول و گولان و سەرهلدان هەر ژ سالا 1961 تا ئیڕو بووینە سیمبول و نيشانێن شوڕه شێن نەتەوەیی دژی ڕژيمێن دیكتاتورو ستەمكار.
ئارمانجێن پارتا ديموكراتا كوردستانێ ئاشتێ بوويه ژ بو سەرخوەبوونا مللەتێ كورد ل گور ماڤێن مروڤانتی و نەتەوايەتی و سەرخوەبوونا كوردان ژ ئاخ و نیشتيمان و زمانێ خوە ئەڤ پارتیە كارییە پەيوەنديیێن سياسی ل سەر ئاستێ هەرێمی و نيڤدەولەتی چێكەت پێخەمەت نيشاندانا دیروكا كوردان و قارەمانتی و پالەوانتیا ڤی گه لی پێخەمەت بدەستڤه ئانینا ماف و ئازاديیێن گه لێ كورد .
هەژی گوتنێ یە کو ئافرەت ژی د ڤێ شوڕەشێدا بێ بار نەبوویە و مل ب ملێ پێشمەرگەی كارییە ڕول و دەورێ خوە ببینیت ژ بەر ڤێ چەندێ ژی بو ئێکەم جارلسەر دەستێ بارزانی نەمر ئێکەتیا ئافرەتێن کوردستانێ د ڤێ پارتییێ دا هات دامەزراندن ژبەركو ئافرەت ژی دەورێ خوە ژلایێ سیاسی، ئابووری، کومەلایەتیڤە ببینێت مینا ئافرەتێن سالێن 50-60 تان کو دەورێ خوە ژلایێ ڕێكخستنێ و ژلایێ پوستە و گەهاندنێ ئو ب تایبەت ژی دناڤا وێ ترسێدا ژ بلی پەروەردە کرنا زاروکێن خوە هەر ئالیكاریەك كو پێدڤی بوو،ئافرەتێ دەورێ خوە دناڤدا دیتیە.
دكارم ببێژم کو ئافرەتا کورد گەلەک ئو گەلەك یا چاڤ نەترس و ب جەرگ بوویە هەر وەسا دگەل وێ ژی كو نەخویندەوار ژی بوویە نێ دكارم ببێژم كو راگەهاندکارەکا ب هێز بوویە د وی سەردەمیدا.
خوشبەختانە ئیڕو ئەم دبینین کو ئافرەت گەلەک دەورێ خو دێ بارێ سیاسی، ئابوری، جڤاكی دبینیت ئو ئافرەت د نهادا یا بوویە پەرلەمانتار د پەرلەمانتوویێ یا وبوییە میدیاکارونڤیسەرو یا بوویە ماموستێ زانینگە و دبستانان کو ئیڕو ب ئازادی ل سەر دەستێ پارتیا دیموکراتا کوردستانێ رولێ خوە دبینت و كارێ خوە بەردەوام دكەت و ئیڕو ب سایا ڤێ پارتیا کو ئەڤ هەموو دەستکەفتێن مەزن ژ كوردان ڕە چێكری و ب دەستڤە ئانینە ئەم شانازی ب وێ پارتێ ڕە دكەین و دبێژین بلا هەر بلند بیت ئالا كوردستانێ و ئالا زەركا پارتیا دیموکراتا کوردستانێ.

ب دویماهی هات….
((ئەدیبا عزالدین تاهر-2022))