پەیامنێرێ زێ بادینان
بلند بهجت :
کارێ خۆبەخشی کارەکە چو جوداییەک دیتر نیە دگەل هەر کارەکێ لێ بەروڤاژی ئەڤ کارە گرنگیەک دیتر هەیە و خەلکەک ژی دنها دا زۆر پێڤە مژیلە و ب کارەک سەربلند دبینیت و ئەڤ کارە ژی تایبەت بۆ بەرژەوەندیا گشتی بیت و لسەر ڤی تەوەری ژی ماموستا “عبدالعزیز محسن بارزانی”
سەروكێ ئنستتیوتا دهۆك بۆ رەوشەنبیریا گشتی و راهێنەرێ گەشەپێدانا مروڤی مێڤانێ دیدارا مەیە ل سەر بابەتێ گرنگیا کارێ خوبەخشیێ و دبێژیت د ڤان پرسێن لخارێ دا .
پەیامنێرێ زێ بادینان : کارێ خوبەخشی چییە؟
عبدالعزیز محسن بارزانی: کارێ خوبەخشی ئەو کارە کو کومەکا مروڤان ب زبارەبون ب خوبەخشی بێ بەرامبەر کارەکێ دبەرژەوەندیا گشتی دا ئەنجام بدەن.
پەیامنێرێ زێ بادینان : دێ چەوا شێم کارێ خوبەخشی ئەنجام دەم؟
عبدالعزیز محسن بارزانی: هەلبەت ژ جڤاکەکێ بو جڤاکەکێ و ژ دەولەتەکێ بو دەولەتەکا دی گورانکاری ب سەردا دهێن دناڤ جڤاکێ کوردستانێ ژی دا کارێ خوبەخشیێ گرنگیەکا ئێک جار مەزن هەیە بتایبەتی ل گوندان و زێدەتر کارێ ب زبارەیی زورە بەلێ دسەنتەرێ باژێران ئەڤ گرنگیە کێمتر لێ دهێتن ژبەرهندێ ب رێکا رێکخراو و کومەل و گروپان دشێین گرنگیا کارێ خوبەخشی بو مروڤی بەحس بکەن دا مروڤ بشێت کارێ خوبەخشی ب حەز و ڤیانەکا زێدەتر ئەنجام بدەتن .
پەیامنێرێ زێ بادینان : ئەرێ خەلک بوجی کارێ خوبەخشی ئەنجام ددەن؟
عبدالعزیز محسن بارزانی: دوو جورێن هەین :
ئێک : باوەریا مروڤان بکارێ خوبەخشیێ .
دوو: گەلەک مروڤان داخازا لێ دهێت کرن کو هاریکاریا هندەک مروڤێن دی بکەن .
دهەردوو جوران دا خێرەکا مەزنە و وزەیەکا زێدەیە و دەرون ئارامیە و خزمەتا مروڤایەتیێ یە.
پەیامنێرێ زێ بادینان : مڤایێن کارێ خوبەخشیێ چنە؟
عبدالعزیز محسن بارزانی:
مفایێن کارێ خۆبەخشی یێ ئەڤێن هەنێ نە لخارێ کو .
١-خێرا مەزنە وپەیوەندیەکا روحیە دناڤبەرا مروڤی و خودێ دا .
٢-مروڤ گرنژینێ تێختە سەر دێمێ بەرامبەرێ خو.
٣- مروڤ شارەزایەکا ئێک جار مەزن پەیدا دکەتن .
٤- پەیوەندی پەیدا دبن.
٥-خالەک ل سی ڤیێ مروڤی زێدە دبیتن.
٦- پەیوەندیێن بهێز دناڤبەرا مروڤی و کومەل و گروپان پەیدا دبن .
٧- ئەڤرو تو کارێ خوبەخشیێ بو کەسەکێ بکەی سوبەهی دێ هندەکێن دی کارێ خوبەخشیێ بوتەکەن.
ژبەر هندێ گرنکە ئەم مڤایێن کارێن خوبەخشی بزانین جونکی گرنگیەکا زور یا جەستەیی و مەژی و روحی یا تێدا هەی.
“داخاز ژ هەمی خەلکێ کوردستانێ دکەم جارەکادی بزڤرنەڤ کارێ خوبەخشیێ”
پەیامنێرێ زێ بادینان : جورێن کارێن خوبەخشی جنە.
عبدالعزیز محسن بارزانی : گەلەک جورێن خوبەخشیێ یێن هەین بەلێ ئەڤە گرنکترینن:
١-هەڤتیێ روژەک.
٢-هەیڤیێ حەڤتیەک .
٣-جورێ کورت خایەن ، جند روژان تنێ دژیانێ دا.
٤- جورەکێ درێژ خایەن ئانکو ب سالان ڤەدکێشیت.
پەیامنێرێ زێ بادینان : گرنگیا کارێ خوبەخشی چییە؟
عبدالعزیز محسن بارزانی : زێدەتر مروڤ نێزیکێ ئێک دوودبن و پەیوەندی دروست دبن و پتر زانیاری ل سەر کاری پەیدا دبن و پتر باوەری بکارێ خوبەخشیێ دروست دبن و زێدەتر کارێ ب تێم دروستدبیت و ئەڤە و گەلەکێن دی ب رێکا کارێ خوبەخشی مروڤ ڤێردبیت.
پەیامنێرێ زێ بادینان : ئەرێ کارێ خوبەخشیێ دبیتە ئەگەرە ژبوی زێدەتر دەلیڤێن کاری ؟
عبدالعزیز محسن بارزانی : بەلێ جونکی ب رێکا کارێ خوبەخشی پەیوەندی درست دبن دوێ پەیوەندیێ دا دێ شارەزای بو تە پەیدابیت و دبیت دەلیڤێن کاری ژی پەیداببن و ئارامی و زیرەکی پەیدا دبیت و سی ڤی پێ بهێز دبیتن .
پەیامنێرێ زێ بادینان : پەیڤا مێڤانێ دیدارا مە ، ماموستا عبدالعزیز محسن بارزانی ل سەر کارێ خوبەخشیێ ؟
عبدالعزیز محسن بارزانی : من باۆەریەکا ئێک جار مەزن یا ب کارێ خوبەخشیێ هەی و داخاز ژ هەمی تەخ و جینێن جڤاکی دکەم کۆ بەرەڤ زبارەبونێ بزڤرنەڤە ، ئەم هەمی پێکڤە وەکی گروپ هاریکاری و هەڤکاربن دگەل ئێک دوو دکارێ خوبەخشیێ دا بکەین جونکی مروڤ دشێت کارێ خۆبەخشیێ ل سەر تێلەڤونا خو بکەتن یان ب رێکا نڤیسینان بکەتن یان ب رێکا هزرا خو یان هێزا خو بکەتن ،ژبەر هندێ داخاز ژ هەمی خەلکێ کوردستانێ دکەم جارەکادی بزڤرنەڤ کارێ خوبەخشیێ .
Comments are closed, but trackbacks and pingbacks are open.