32 ملیار دینار بۆ پرۆژەیێن دهۆکێ هاتنە تەرخانکرن

32 ملیار دینار بۆ پرۆژەیێن دهۆکێ هاتنە تەرخانکرن

دەزگەهێ مێدیایێ زێ بادینان

پارێزگارێ دهۆکێ ڕاگەهاند، ژ دەستپێکا دەستبکاربوونا کابینا نەهێ هەیا نها 32 ملیار دینار بۆ پرۆژەیێن دهۆکێ هاتیە تەرخانکرن و گرنکترین ژ وانا پرۆژەیێن ئاڤ و رێک و پران بووینە.

عەلی تەتەر پارێزگارێ دهۆکێ بۆ میدیایێن سەر ب پارتی ڕاگەهاند، ژ دەستپێکا دەستبکاربوونا کابینا نەهێ هەیا نها 32 ملیار دینار بۆ پرۆژەیێن دهۆکێ هاتیە تەرخانکرن، کو گرنکترین ژ وانا پرۆژەیێن ئاڤ و رێک و پران بووینە و پێشبینی ژی دهیتە کرن ڕازیبوون لسەر 40 ملیارێن دی بهێتەدان بۆ زێدەتر پێشڤەبرنا پاریزگەها دهۆکێ .

بەحسا وێیەکێ ژی کریە، ئەگەر وان 40  ملیار دینارن وەربگرن، دێ زێدەتر بۆ ئاڤەدانکرنا گوندان و سەنتەرێ باژێران و جهێن دیرە دەست هێنە مەزاختن .

پارێزگارێ دهۆکێ دایەزانین ژی، هەبوونا ڕێژەیەکا  زۆرا ئاوارە و پەنابەران باندۆری کریە  لسەر زێدەتر خزمەتکرنا دهۆکێ ب تایبەت دبیاڤێ  ئاڤ و کارەبێ و کەرتێ پەروەردە و ساخلەمیێ، ژبەر کو دنها دا %25ێ رێژا ئاکنجیێن دهۆکێ ژ ئاوارە و پەنابەران پێکدهێت .

ئەویەک ژی دیارکریە، لسەر ڕاسپاردا سەرۆکێ حکومەتێ نها ل پارێزگەها دهۆکێ گەندەلی و زێدەگافی بۆ سەر مولکێ گشتی و واستەکاری بە ئاوایەکێ بەرچاڤ کێمبووینە و هند نەمایە ب تەمامی دەستێوارەدان واستەکاری ل سنورێ دهۆکێ بهێتە قوفلکرن و نەمینیت .