ڤه‌كولینه‌كا ئه‌مریكی یا نوی ئاماژه‌ ب وێ چه‌ندێ كر كو هێلانا په‌یوه‌ندیێن ئێكسه‌ر یێن چاڤ ب چاڤ دگه‌ل هه‌ڤال و خێزانێ و بكارئینانا رێكێن هه‌ڤچه‌رخ یێن په‌یوه‌ندیێ وه‌كی ئێمێلی و نامه‌یێن نڤیسینێ و په‌یوه‌ندیێن ته‌له‌فونی مه‌ترسیێن توشبینا ب نه‌خوه‌شیێن ده‌روونێ زێده‌ دكت.

ڤه‌كولین لسه‌ر 11 هزار كه‌سێن پێگه‌هشتی هاته‌ ئه‌نجامدان كو ب كێمی د حه‌فتیێ دا سێ جاران چاڤ ب چاڤ دگه‌ل هه‌ڤال و خێزانێن خوه‌ دئاخڤن و تێدا هاته‌ ئاشكراكرن كو مه‌ترسیێن توشبینێ ب نه‌خوه‌شیێن ده‌روونی ل ده‌ڤ وان گه‌له‌ك كێمتر بین ژ وان كه‌سێن ب رێكێن هه‌ڤچه‌رخ دگه‌ل هه‌ڤال و كه‌س و كارێن خوه‌ دئاخڤن.

ڤه‌كوله‌ران ژ زانینگه‌ها “مێشیگان”ـا ئه‌مریكی گوتن ”بۆ مه‌ دیار بی رێكێن هه‌ڤچه‌رخ یێن په‌یوه‌ندییان دگه‌ل خێزان و هه‌ڤالان كێمتر چالاكن و هێزا وان بۆ بهێزكرنا په‌یوه‌ندیێن كومه‌لایه‌تى یا كێمه‌ ل به‌رانبه‌رى هێزا په‌یوه‌ندیێن ئێكسه‌ر، و هوسا ب رێكا په‌یوه‌ندییًن ئێكسه‌ر یێن چاڤ ب چاڤ و روی ب روی مرۆڤ ژ چه‌ندین نه‌خوه‌شیێن ده‌روونی دهێته‌ پاراستن ”.