جڤاتا ئاسایشا نیڤدەولەتی راگەھاندنەک دەربارەی پێشھاتێن عیراقێ بەلاڤکر

جڤاتا ئاسایشا نیڤدەولەتی راگەھاند،” ئەندامێن جڤاتا ئاسایێ وان کارێن توندو تیژی پروتەستو دکەن کو ل رۆژێن 29 – 30 مەھا بوری رووداین و دلگرانیا خۆ یا کوور دیارکریە دەربارەی کوشتن و برینداربوونا ژمارەکا کەسان د وان روودانان دا، ئەندامێن جڤاتێ ھاتنە ئاگەھدار کرن دەربارەی ئەرکێن حکومەتا عیراقێ بۆ ڤەگەراندنا ئارامی و یاسایێ”.

جڤاتێ داخوازا ئارامکرنێ و خۆ راگرتنێ ژ لایەنان کر و پێشوازی ل داخوازیێن لایەنان کر بۆ رێگیری کرنێ ل توندو تیژیێ.
د راگەھاندنێ دا ئاماژە کریە،” ئەندامێن جڤاتێ داخواز ژ ھەمی لایەنان کر، ناکوکیێن سیاسی ب ئاشتیانە چارەسەر بکەن و رێزێ ل سەروەریا یاسایێ و مافێ خۆ پێشاندانێن ئاستیانە بگرن و خۆ دویر بکەن ژ توندوتیژیێ.”