رویتەرز: سیستانی ئه‌گه‌رێ راگرتنا شەرێ ده‌ڤه‌را كه‌سك بوو
رۆیتەرز نامەكا سیستانی بۆ سەدری ئاشکرا دكه‌ت و نهێنییا ل پشت راگرتنا پێکدا دانێن ده‌ڤه‌را كه‌سك ژی ئاشکرا دكه‌ت.
ئاژانسا رۆیتەرز د راپۆرته‌كێدا ب ناڤێ” چاوا زه‌لامه‌كی ئایینی یێ د ژییێ ٩٢ سالییی دا جاره‌كا دیتر رێگری لێ كرییه داكو چ شه‌رێن خویناوی روو نه‌ده‌ن.
دیار كرییه، ” ده‌مێ لێدوانه‌ك ژ ئالییێ زه‌لامه‌كێ ئایینی یێ عێراقی ل ئیران کازم حائیری” ره‌وش گەهاندییە ل سه‌ر لێڤا شه‌ری، ب تنێ کەسه‌ك هەبوو بشێت وێ چه‌ندێ راوه‌ستینیت، ئەو کەسە زه‌لامه‌كێ ئایینیی شیعی د ژییێ ٩٢ سالان بوویه کو جاره‌كا دیتر سەلماندییه ب هێزترین زه‌لامیه ل وی وه‌لاتی.
ئه‌و ژی گۆتییه: ” ئایەتوڵڵا عەلی سیستانی ب ئاشکرایی چ گۆتن ل سەر ئالۆزی و پێکدا دانێن ڤه داوییێ یێن عێراقێ نەکرینە، بەلێ بەرپرسێن حکومی ئاماژە ب هندێ كرینه كو هەڵویستێ سیستانی رێگریکر كو ره‌وش ژ ده‌ست ده‌رنه‌كه‌ڤیت”.
بەرپرسه‌كێ حکومەتا عێراقی بۆ رۆیتەرز گۆتییە ” سیستانی نامەك بۆ موقتەدا سەدری هنارتییه و تێدا گۆتییه، ئەگەر تووندوتیژی نەهێنه راوه‌ستاندن ئه‌و دێ بەیاننامەكێ دەركه‌ت و دێ داخوازا راگرتنا پێکدادانان كه‌ت، ئەڤێ ژی وه‌كرییه كو سەدر لاواز دەربکەڤیت، هەروەسا وه‌سا دەرکه‌فتییه کو سەدرهی ئەو خوێنڕێژتنه ل عێراقێ دەستپێکرییە”.
Comments are closed, but trackbacks and pingbacks are open.