حكومه‌تا هه‌رێما كوردستانێ راگه‌هاند، كابینه‌یا نه‌هێ یا حكومه‌تا هه‌رێمێ چ نیاز نینن ده‌ستكاریێ د قانوونا مافێ ب ده‌ستخستنا زانیاریان دا بكه‌ت.
د. جۆتیار عادل، په‌یڤدارێ حكومه‌تا هه‌رێما كوردستانێ راگه‌هاند، د. رێواز فایق، سه‌رۆكا په‌ڕله‌مانێ كوردستانێ د چارچۆڤێ كۆمبوونه‌كێ دا ل گه‌ل رێكخستنێن نه‌حكومى ل سلێمانى و هه‌لبجه ئاماژه ب وێ یه‌كێ كریه كو حكومه‌تێ دڤێت ده‌ستكاریێ د قانوونا مافێ ب ده‌ستخستنا زانیاریان دا بكه‌ت.
دیاركریه ژى ل ڤێره رادگه‌هینین كو كابینه‌یا نه‌هێ یا حكومه‌تا هه‌رێما كوردستانێ چ نیاز ژ وى جۆرى نینن و چ داخوازى ژى ژ وى جۆرى بۆ راستڤه‌كرنا وێ قانوونێ ئاراسته‌یى په‌ڕله‌مانێ كوردستانێ نه‌كرینه.
ده‌رباره‌ى ده‌رچوونا رێنمایێن قانوونا مافێ ب ده‌ستخستنا زانیاریان ژى جۆتیار عادل دبێژیت: سه‌رۆكێ جڤاتا وه‌زیران ل رێككه‌فتنى 22ى خزیرانا 2022ێ ب بڕیارا ژماره 157 و د خالا سیێ دا هه‌ر ئێك ژ سه‌رۆكاتیا دیوانا جڤاتا وه‌زیران، سكرتاریه‌تا جڤاتا وه‌زیران، فه‌رمانگه‌ها میدیا و زانیارى و ده‌سته‌یا سه‌ربه‌خۆ یا مافێ مرۆڤى راسپاردینه بۆ ئاماده‌كرنا ره‌شنڤێسه‌كێ رێنمایێن ئاسانكاریا بجهئینانا قانوونا مافێ ب ده‌ستخستنا زانیاریان ل هه‌رێما كوردستانێ.
د. جۆتیار عادل سوپاسیا سه‌رۆكا په‌ڕله‌مانێ كوردستانێ كر كو پشتى دو مه‌هـ و نیڤان ژ وێ بڕیارا سه‌رۆكێ جڤاتا وه‌زیران پشته‌ڤانیا خۆ بۆ ده‌رخستنا وان رێنمایان ده‌ربڕیه.
په‌یڤدارێ حكومه‌تا هه‌رێمێ دازانین ژى، حكومه‌تا هه‌رێمێ دوپاتكر كو پابه‌ندى په‌یره‌وێ شه‌فافیه‌تێ بن د به‌لاڤكرنا زانیاریان دا ب كریار ژى ئه‌ڤ یه‌ك بجهـ ئینایه.
Comments are closed, but trackbacks and pingbacks are open.