ئیدارا سەربەخۆ یا زاخۆ ئه‌ڤرۆ ڕاگه‌هاند، گوهدار شێخۆ، سەرپەرشتێ ئیدارا سەربەخۆ یا زاخۆ، پرۆژێ جادا 30 مەتری ئەردەوان – تلکەبەر ب كۆژمێ پتری 9 ملیار دیناران د ڕێورەسمەکێدا ڤەکر، وەك قوناغا ئێکێ ب درێژاهییا 5 کیلۆ مەتران ب دوماهیك هات و کەڤتە د خزمەتا خەلکێ دەڤەرێدا ژ بۆ ئاسانکرنا هاتنوچوونا د ناڤ باژێریدا.
ئیدارا سەربەخۆ یا زاخۆ دیاركر، ئەڤ پرۆژە ڤەدگەرت بۆ وێ رازەمەندییا مسرور بارزانی، سەرۆکێ حکومەتا هەرێما کوردستانێ کو پێکهاتبوو ژ 105 کیلۆمەتران، لەورا بەشەك ژ وان ب دوماهیك هاتن، چەندەك ژێ د قۆناغێن ب جهئینانێدانن، کو پێکهاتییە ژ جادێن سەرەکی و ناڤخۆ (سەخبیرکرنا جادان ب دڕێژاهییا 20.5 کیلۆمەتران، چێکرنا و قێرکرنا جادان ب درێژاهییا 77 کیلۆمەتران، سۆلینێن ئاڤرێژ ب درێژاهییا 7.5 کیلۆمەتران) ل سنۆرێ ئیدارا سەربەخۆ یا زاخۆ.
Comments are closed, but trackbacks and pingbacks are open.