ئاژانسا ئەورۆپی یا هەماهەنگییا دادوەری بەلاڤ كر، ئەفسەرێن بجهئینانا یاسایێ ل نەمسا، بەلجیكا، ئەلمانیا، ئەمریكا و هندەك وەلاتێن دی، ب هاریكارییا شارەزایێن یۆرۆپۆل و یۆرۆجیست شیاینە تۆڕەكا قەچاغییا ئەورۆپی یا ڤەگوهاستنا كۆچبەرێن كورد بۆ وەلاتێن ئێكەتییا ئەورۆپا دەستەسەر بكەن كو وێ تۆڕێ پاسپۆرت و بەلگەنامەیێن سەختە و فڕۆكەیێن تایبەت د كریارا ڤەگوهاستنێ دا ب كار ئیناینە.
وێ ئاژانسێ د بەیانەكا خۆ دا گۆت: وێ تۆڕێ ب ئاوایەكێ نەیاسایی كوردێن باشوور و رۆژهەلاتێ كوردستانێ ب فڕۆكەیەكێ ژ توركیا و ب پاسپۆرتێن سەختەیێن دیپلۆماسی، بەرامبەری وەرگرتنا 20 هزار یۆرۆیان ڤەگوهاستینە نەمسا و فڕەنسا و بەریتانیا و پاشی ئەو پاسپۆرت ژ ناڤبرینە و ب ئاوایەكێ رێكخستی داخوازا مافێ پەنابەریێ ل وان وەلاتێن ئێكەتییا ئەورۆپا كرینە.
گۆت ژی: وێ تۆڕێ ل ناڤبەرا چریا ئێكێ و كانوونا ئێكێ یا سالا 2020 ێ ب كێمی پێنج جاران كۆچبەر ڤەگەهاستینە وەلاتێن ئەورۆپا ل بەربوون هندەك جارێن دی ژی ب قەچاعی كۆچبەران ببەنە وەلاتێن ئێكەتییا ئەورۆپا.
Comments are closed, but trackbacks and pingbacks are open.