مەلا بەختیار “ل دەمێ ئەز هاتیمە ژەهرکرن، مەکتەبا سیاسی یا ئێکەتیێ چ لژنە دژی وێ تاوانێ پێکنەئینان و نوکە پێکبینیت ژی چ بها نەمایە”.
مەلا بەختیار، ئەندامێ جڤاتا بلندا سیاسی یا بەرژوەندیێن ئێکەتیا نشتیمانی ئەڤرۆ ل سەر مالپەرێ خۆ یێ فەیسبۆکی بەیانەک دەربارەی نووچەیی سەرەدانا ئاراس شێخ جەنگی و لێبورینا لاهۆر جەنگی بەلاڤ کر و راگەهاند؛ ل دەمێ ژهرکرنا وی ئاراس شێخ جەنگی ژ جامێرینیا خۆ ل نەخۆشخانا ئەلمانیا سەرەدانا وی کر و ب چ رەنگان ب نوینەراتیا لاهۆر شێخ جەنگی نەهاتیە و ئەڤ نووچەیە دویرە ژ راستیێ.
هەروەسا راگەهاندیە؛ زێدەباری وان بەلگە و راپۆرتێن وی بۆ مەکتەبا سیاسی، ئالیێن سیاسی، بالیۆزخانە و وەلاتێن دەرڤە هنارتی، لێ تانوکە چ کەس نەهاتینە تۆمەتبارکرن و مەکتەبا سیاسی ژی ب پێدڤی ل سەر ڤێ تاوانێ چ لژنە پێکنەئینان و نوکە لژنەیەکێ پێکبینیت ژی چ بها نینە.
مەلا بەختیار نڤیسیە ژی، “ل دەمەکێ دروست دێ سکالایا یاسایی ل سەر وێ تاوانا ژەهرکرنا خۆ تۆمار کەم، تانوکە من سکالا تۆمار نەکریە ژ بەرکو تاوان هند یا شەرمزاریە و من نەخواست کێشەیەکا دی ل ناڤا ئێکەتیێ پەیدا بکەم کو پێشتر کێشە هەنە”.
Comments are closed, but trackbacks and pingbacks are open.