جڤاتا وه‌زیرێن هەرێما کوردستانێ ئه‌ڤرۆ ب سه‌رپه‌رشتیا مەسرور بارزانی، سەرۆکێ جڤاتا وەزیران و ئامادەبوونا قوباد تالەبانی، جێگرێ سەرۆکێ جڤاتا وەزیران، دێ كۆمبوونا خۆ یا ئاسایی ساز كه‌ت، كۆمبوون دێ دوو ته‌وه‌رێن سه‌ره‌كی بخۆڤه گریت:
بڕگا ئێكێ یا تایبەتە ب به‌رچاڤكرنا دیفچوونا جڤاتا وه‌زیران بۆ بابه‌تێ رێكخستنا ده‌سته‌یا كاری د ده‌رفه‌تێن كارى د كه‌رتێ تایبه‌تدا و ڕەخسـاندنا ده‌لیڤه‌یێن کـارى بـۆ وه‌لاتییێن هەرێما کوردستانێ لسەر بنەمایێ دابەشـکرنا دادپەروەریێ د دەرفەتێن کـاریدا و ئەولەویەتدان ب دەستێ کارێ خۆمالی د پڕۆژان و پابەندکرنا خودان کار و وەبەرهێنەرێن پرۆژان ب دابینكرنا رێژەكا دیاركرى د دەرفەتان بۆ کـرێکارێن خۆمالی.
بڕگەیا دووێ دێ یا تایبەت بیت ب به‌رچاڤكرنا ره‌شنڤیسێ په‌یره‌وا تایبه‌ت ب پێكئینان و ئه‌ركێن لژنه‌یێن ڤه‌كۆلینێن پیشەیی ل وەزارەتا ساخله‌میێ ژ ئه‌گه‌رێ گرنگیا برگەیا ئێكێ ژ مادده‌یا (9) ژ یاسایا ژمارە (4)ی سالا 2020، یاسایا ماف و ئەركێن نەخۆش ل هەرێما کوردستانێ.
Comments are closed, but trackbacks and pingbacks are open.