وەزارەتا بازرگانیا عێراقێ دەمێ دابەشکرنا هەشتەم پشکا خارنا ئەڤسالە ڕاگەهاند

وەزارەتا بازرگانیا عێراقێ ڕاگەهاندنەک بەلاڤکر و دناڤدا هاتیە، ژ رۆژا پێنجشەمبی ڤە هەشتەمین پشکا خارنا وەلاتیان ل رێکا سیستەمێ کارتێ پشکا خارنێ دێ هێتە دابەشکرن.

وەزارەتا بازرگانیا عێراقێ ڕاگەهاند، کۆمپانیا گشتیا بازرگانیا خارنێ داوی بەرهەڤیێن تەکنیکی و ئیداری بۆ بەرهەڤکرنا پشکا خارنا وەلاتیان د کۆگەهێن بریکاراندا بەرهەڤکریە و بسەر وان هەمی کەساندا دهێتە دابەشکرن کو سیستەمێ کارتا پشکا خارنێ بخۆڤە دگریت و پلانا دابەشکرنا پشکا خارنا وەلاتیان وەسا هاتیە دارشتن کو ل دەڤەرێن هەژارنشین دەستپێدکەت.

دبێژیت ژی، “داخازێ ژ بریکارێن خارنێ دکەین سەردانا ناڤەندا تاخێن بەغدا و پارێزگەهێن دی بکەن بۆ کو خشتەیا دابەشکرنا پشکا خارنا وان بۆ دیاربکەن.”