پارتیا دیمۆکراتیک یا گەلان هەدەپە هەڤپەیمانی ل گەل شەش حزبێن دی یێن تورکیا پێکئینایە و بریارە ئەڤرۆ ئەو هەڤپەیمانیە ل ستەنبۆلێ بهێتە راگەهاندن.
هەڤپەیمانیا هەدەپێ و شەش حزبێن دی ب ناڤێ هەڤپەیمانیا رەنج و ئازادیی یە، میدحەت سانجار، هەڤسەرۆکێ هەدەپێ راگەهاند؛ ئەو نەشێن بتنێ بەرهنگاری دەستهەلاتێ ببن، لەورا وان ئەو هەڤپەیمانی پێکئینا بۆ نەهێلانا دەستهەلاتێ و گوهۆڕینا سیستەمی و ڤەگەراندنا بنەمایێن دیمۆکراسیێ.
هەروەسا گۆت ژی: ئەو ب هەڤپەیمانیێ ل گەل ڤان شەش حزبان ناراوەستن، دێ بزاڤێ کەن بازنیەا هەڤپەیمانیێ بەرفرەهـ کەن و پتر ئالیێن سیاسی داخواز کەن.
هەر ئێک ژ حزبا کرێکارێن تورکیا (TIP)، حزبا رەنجدەران (EMEP)، حزبا ئازادییا کۆمەلگەهێ (TOP)، حزبا تەڤگەرا رەنجدەران (EHP)، فدراسیۆنا جڤاتا سۆسیالیزم (SMF)و رێکخراوا مالا خەلکی (HEV).
Comments are closed, but trackbacks and pingbacks are open.