وه‌زاره‌تا كاره‌بێ یا حكومه‌تا هه‌رێما كوردستانێ راگه‌هاند: پترى ترلیۆن دینارێن قه‌رێن كاره‌با نشتیمانى ل سه‌ر وه‌لاتیانه و دڤێت ئه‌و قه‌ر بۆ حكومه‌تێ بهێنه ڤه‌گه‌ڕاندن.
ئۆمێد سه‌باح، په‌یڤدارێ وه‌زاره‌تا كاره‌با حكومه‌تا هه‌رێما كوردستانێ بۆ گاڤ نیوز راگه‌هاند: كێشه‌یا ڤۆلتی و نه‌هه‌ڤسه‌نگیێ د به‌رهه‌مئینان و پێدڤیا پارێزگه‌ها دهۆكێ دا هه‌یه و فشاره‌كا مه‌زن خستیه سه‌ر هێلێن كاره‌بێ.
هه‌روه‌سا گۆتژى: ل سه‌رسنكێ دێ پڕۆژه‌یه‌كێ به‌رهه‌مئینانا كاره‌بێ ب رێكا غازێ هێته چێكرن و دێ شێت 100 مێگاواتان بۆ پارێزگه‌ها دهۆكێ دابینكه‌ت.
ل دۆر قه‌رێن ل سه‌ر وه‌لاتیان ژى په‌یڤدارێ وه‌زاره‌تێ گۆت: زێده‌تر ژ ئێك ترلیۆنا دیناران قه‌رێن وه‌زاره‌تێ یێن كاره‌بێ ل سه‌ر وه‌لاتیانه و ب هه‌ر ره‌نگه‌كى بیت دڤێت قه‌ر بۆ حكومه‌تێ بهێنه ڤه‌گه‌ڕاندن، لێ ب كێمترین فشار.
Comments are closed, but trackbacks and pingbacks are open.