جێنین پلاسخارت هوشدارییێ ژ نه‌كرنا هه‌لبژارتنێن هه‌رێما كوردستانێ ل ده‌مێ خوه د ده‌ت و دبێژیت : نه‌كرنا هه‌لبژارتنان ل ده‌مێ خوه، دێ لێكه‌ڤتێن سیاسى و باجه‌كا گران هه‌بیت، ئه‌وان هوشداری ل دوور ئه‌ڤێ چه‌ندێ گه‌هاندییه لایه‌نان و ئه‌گه‌ر تشته‌كێ وه‌سا روو بده‌ت، ئه‌گه‌رێ وێ نه‌بوونا هوشدارییێ نابیت.
ئه‌ڤرۆ چارى چریا ئێكێ یا سالا 2022ێ هنارتییا تایبه‌ت یا سكرتێرێ گشتى یێ نه‌ته‌وه‌یێن ئێكگرتى ل عیراقێ، ل به‌رده‌م جڤاتا ئاسایشا نه‌ته‌وه‌یێن ئێكگرتى راپۆرتا خوه یا وه‌رزى بۆ چارێكا سێیێ یا ئه‌ڤ ساله ل دوور ره‌وشا عیراق و هه‌رێما كوردستانێ پێشكێشكر.
پلاسخارتێ ل به‌رده‌م جڤاتێ ب ئاشكرایى گوت : نه‌كرنا هه‌لبژارتنێن هه‌رێما كوردستانێ ل ده‌مێ خوه‌دا، دێ بیته سه‌ره‌ده‌رینه‌كرنا گونجایى دگه‌ل داخوازییێن خه‌لكى و پشتگوهخستنا بنه‌مایێن دیموكراسییا هه‌رێما كوردستانێ، دێ لێكه‌ڤتێن سیاسى ل دووڤ خوه هێلیت و باجه‌كا گران هه‌بیت.
پلاسخارتێ گوت ژى: ئه‌گه‌ر تشته‌كێ وه‌سا روو بده‌ت، ئه‌گه‌رێ وێ نه‌بوونا هوشدارییێ نابیت.
Comments are closed, but trackbacks and pingbacks are open.