زێدەباری گرنگیا تێشتا سپێدەهیان، لێ چەند رەفتارێن شاش هەنە كو دبنە سەدەمێ بەروڤاژی کرنا گرنگیان و بلەزتر کرنا پیربوونێ

راگەهاندن و پەیوەندیێن ب.گ. یێن ساخلەمیا سلێمانیێ د لاپەڕا فەرمیا خۆدا ئاماژە ب وێ کریە، ئیمی جودسۆن پسپۆڕێ بیاڤێ خارنێ دبێژیت ئێک ژ شاشیێن بەربەلاڤ نان خارنا سپێدایە كو دبیتە سەدەمێ پیربوونا مێشكی و بریتیە ژ خارنا برەكێ زۆر ژ دۆهنیاتێن تیر و شەكر و ژەما تێشتا سپێدێ کارتێکرنەکا مەزن هەیە لسەر شیانێن مێشكی ل دەمێ دانعەمریێ.

ئەو پسپۆڕێ خارنێ رێنماییا گرتنەبەر یا سیستەمێ خارنێ ژ جۆرێ مایند دكەت ب سەدەمێ وێ کو ئەو سیستەمێ خارنێ ساخلەمە بۆ مێشكی و پیربوونا مێشكی پاشڤە دبەت ژبەرکو ئەو سیستەمێ خارنێ پێكهاتیە ژ کۆمەکا خارنان كو هاریکارە بۆ بهێزکرنا هێزا مێشكی و پاراستنێ ژ کارتێکرنێن ب سالڤەچوون وەكی نەخۆشیا زەهایمەر.

سیستەمێ خارنا مایند هاریکاریا كەسان دکەت بۆ دیركەفتن ژ خارنێن دروستكری و گۆشتێ سۆر دگەل بكارئینانا بڕەكێ زۆر ژ کەسکاتی و فێقی و نیسک و نۆک و فاسۆلی و دەخل و دانی و ماسی و دگەل هندەک ژ گۆشتێ مریشكێ.