سپێدەهییا ئەڤرۆ دكتۆر عەلی تەتەر، پارێزگارێ دهۆکێ پێشوازی ل ماریزو گاریگانتی، بالیۆزێ ئیتالیا ل عیراقێ و مایکێلی کامیرۆتا، کۆنسولێ ئیتالیا ل هەرێما کوردستانێ کر.
پارێزگارێ دهۆکێ خۆشحالییا خوە ب سەرەدانا شاندێ ناڤبری دیارکر و سۆپاسییا هەڤکاری و هەماهەنگییا وەلاتێ ئیتالیا لگەل هەرێما كوردستانێ كر و هیڤییا بەردەوام بوون و پێشخستا پەیوەندیێن هەردوولا كر.
ژلایێ خۆڤه بالیۆزێ ئیتالیا ل عیراقێ سۆپاسییا پێشوازییا پارێزگارێ دهۆکێ کر و خۆشحالییا خوە دیاركر كو بۆ جارا ئێکێ یە سەرەدانا هەرێما کوردستانێ و پارێزگەها دهۆکێ دكەت. دیار ژی كر، ئارمانجا وان ئەوە پەیوەندیێن هەردوو وەلاتان بهێنە پێشئێخستن، د بیاڤێن شوینواران و خاندنا بلند دا گاڤێن باش هاتینە هاڤێتن و دێ دبەردەوام بن.
هەروەسا هەردوولا بەحس ل ڤەکرنا پارکا شوینواری یا فەیدیێ وەکو مەزنترین پارکا شوینواری ل هەرێما کوردستانێ و عیراقێ کر و چەندین تەوەرێن دی یێن پێشڤەبرنا پەیوەندیان هاتنە گۆتوبێژکرن.
Comments are closed, but trackbacks and pingbacks are open.