بریارە ئەڤرۆ 17ی چریا ئێكێ لەتیف رەشید، سەرۆككۆمارێ نوی یێ عیراقێ ب فەرمی دەستبكاربیت.
دوهی رۆژا ئێك شەمبی سەرۆكاتییا كۆمارا عیراقێ راگەهاند، رۆژا دووشەمبی 17ی چریا ئێكێ دكتۆر لەتیف رەشید، سەرۆككۆمارێ نوی یێ عیراقێ ل كۆچكا سەلام ب فەرمی دێ دەستبكاربیت.
دەستبكاربوونا لەتیف رەشید وەكو سەرۆككۆمارێ عیراقێ پشتی وێ یەكێ هات كۆ رۆژا 13ی چریا ئێكێ پەرلەمانێ عیراقێ ب مەرەما هەلبژارتنا سەرۆككۆمارێ نوی كۆمبوو. د گەرا دووێ یا هەلبژارتنان دا كو 269 ئەندام پەرلەمان ئامادەبوون، دكتۆر لەتیف ب دەنگێ 162 پەرلەمانتاران وەك سەرۆككۆمارێ عیراقێ هاتە هەلبژارتن.
لەتیف رەشید دبیتە چوارەم كەسایەتییێ سیاسی یێ كورد ژ سالا 2003ێ هەتا نوكە وی پۆستی وەربگریت پشتی هەر ئێك ژ جەلال تالەبانی، فوئاد مەعسووم و بەرهەم سالح.
Comments are closed, but trackbacks and pingbacks are open.