عادل ئۆرەماری
من ئەڤرۆ د بەرنامەکێ چاڤ پێکەفتنێ دا کەسەک دیت ژدل بۆ عاجزبووم! کەسەک خودی پێدڤیێن تایبەت بوو ئاخفتنێن وی ژدلەکێ سووتی دەردکەفتن ھەستێن من د لەرزاندن ژ وان پەیڤێن وی ب دێمەکێ دامایی بەرسڤێن پرسیارێن پێشکێشکاری داین و گۆت: گەلەک بۆ مە نەخۆشە دەما دچینە بازاری بۆ جلک کڕینێ و جلکێن مە نینە ناچارین یێن زارۆکان بکڕین و بکەینە بەرخۆ و ئەم دمەزنین! ئەڤە بۆ مە گەلەکا نەخۆشە و دبێژم: خۆزی ئەز کورتەباڵا نەبام، دیسان د درێژیا ئاخفتنێن خۆ دا گۆت: خەونا ھەر کۆرتەباڵایەکێ یە ژنەکا ئاسایی بینیت یان زەلامەکێ ئاسایی و خۆ وەکێ مرۆڤەکێ سروشتی ببینیت. ئەڤە ئاخفتنێن کەسەکێ بوون کۆ ھەستێن وی تژی بڕینن و دشکەستینە و ب ناچاری کار ل سەرخۆ دکەت ژبۆ خۆ ئاڤاکرنێ وەکێ ھەرکەسەکێ سروشتی ئەڤەژی جھێ دەستخۆشی و ڕێزێ یە ژبەرکۆ بۆ نموونە. ئەڤا من باس لێکری ئەو ژی کەسەکێ ھێژا و سەرکەفتی یە ( وحید سعید چیچو) سەرۆکێ کۆمەڵا کۆرتەبالایێن دهۆکێ، کەسەک چاڵاک و زیرەکە ھەردەم ب ھیڤی و ئومێد کار دکەت ژ وان کەسانە دەست نە داھێلانە بەلکۆ ل کاروانێ ژیانێ یێ بەردەوامە و سەرکەفتن ژی یا ب دەست ئینایی و خودی کەساتیەکا خۆیا تایبەتە و بۆیە کارێزما بۆ ژیاناخۆ. لەوما دبێژم دەما مرۆڤەک ژدایک دبیت ب کێم ئەندامی یان ژی ب ئەندامەکێ زێدە یان ھەر جێوازیەکا دیتر ژ مرۆڤێ ئاسایی بلا نە بیتە جھێ یاری پێ کرنێ و کێم بەرێ خودانێ ژبەرکۆ وی ب حەزاخۆ خۆ چێنەکریە و ب حەزاخۆ نە ھاتیە ژیانێ ب ھەر ئەگەرەکا رەوشا وی وەلێھاتی ئێدی ئەڤە دبیتە ژیان و کەساتیا وی و ئەرکە ل سەرمە ڕێزێ لێ بگرین کا چەوا خودایی مرۆڤ ب کەرامەت و ب رێزڤە دانایە یا ژ ھەرکەسەکێ زێدەیە ھەستێن کەسەکێ بشکینیت ل سەر چێکرنەکێ کۆ ب دەستێ وی نینە وی ژی دڤیا ژ ھەر کێماتیەکێ یێ دیربیت و ھەلبەستا ب بەژن و باڵا خۆ بێژیت!
و دیسان بۆ خۆشک و برایێن خودی پێدڤیێن تایبەت خۆ بێ ھێڤی نەکەن ئەگەر خودێ تشتەک ژ ھەوە ستاندبیت دووجارا ھند دێ بۆ ھەوە قەرەبووکەتەڤە بتنێ ھەدارێ بکێشن ل سەر وێ یا خودێ ب ھەوە پێشکێشکری، و لسەر حکۆمەتێ یە پتر ژ مرۆڤێن ئاسایی ڕێز ل ڤان مرۆڤان بھێت گرتن و پێدڤییێن وان دابین بکەن دگەل مووچەکێ ھەژی وان.
.
Comments are closed, but trackbacks and pingbacks are open.