فەرمانگەها میدیا و زانیاری یا حکومەتا هەرێما کوردستانێ راگەهاند، پڕۆژەیێ ڕێكخستنا كۆڕنیشەیێ پرا دەلال پڕۆژەیەكێ گەشتیارییە و لسەر ئەركی حكومەتا هەرێما كوردستان و ئیدارەیا سەربەخۆ یا زاخۆ ب کوژمێ 12 ملیار دیناران دێ هێتە بجهئینان.
ئاماژە کریە، ئەڤ پرۆژەیە 28-6-2022 ژ لایێ گۆهدار شێخۆ، سەرپەرشتێ ئیدارا سەربەخۆ یا زاخۆ ڤە بەرێ بنیاتی بۆ هاتیە دانان و تا نوکە نێزیکی 32% تمام بوویە.
دیارکرییە، پرۆژە پێک دهێت ژ پارک، موزەخانە، جهێ روینشتنێ، جهێ ترۆمبێلان بۆ گەشتیاران و خەلکێ زاخۆ، دگەل بەنداڤەکا تایبەت، هەر وەسا درێژیا پرۆژەی نێزیکی 2 کیلۆمەترایە و دەمێ پرۆژەی ژی سالەکە.
ئاشکرا کرییە، رۆژانە 60 بۆ 70 کەسان ب 25 ئامیران ڤە کار د پرۆژەی دا دکەن، ژ بۆ هندێ ئەو پرۆژە د دەمێ خۆ یێ دیارکری دا بهێتە تەمامکرن، سەرەرای هندەک جاران د رۆژێن بهێنڤەدان ژی دا کار تێدا دهێتە کرن.
فەرمانگەها میدیا و زانییاری ئاماژە کرییە، گرنگیا پرۆژەی بۆ باشترکرنا کەرتێ گەشتو گوزارێ و جوانتر کرنا دیمەنێن زاخۆ نە، پشکەکا سەرەنجراکێش یا وی پرۆژەی، دروستکرنا برکەکا ئاڤێ لسەر روویبارێ خابیری، ژبلی دروستکرنا چوار برکێن دی یێن ئاڤێ کو دێ ل جهێن جودا جودا یێن روویباری هێنە دروستکرن.
دیارکرییە ژی، ئەو برکا ئاڤێ دێ کەڤیتە نیڤا پرۆژێ گەشتیاری و ب دروستکرنا ڤی پرۆژەی جودا ژ بەرچاڤکرنا دیمەنێن جوان یێن پرۆژەی دێ ئاستێ ئاڤا روویباری و ئاڤا ژێر ئەرد ژی زێدەتر کەت و هوسا ب بلندبوونا ئاڤێ ژی دێ بیت ئەگەرێ کو ب ساناهی بهێتە پاقژکرن.
Comments are closed, but trackbacks and pingbacks are open.