ئه‌ڤرۆ دبه‌رده‌وامیا پابه‌ندبوونا حكومه‌تا هه‌رێما كوردستانی و به‌رنامێ كارناما خو و دابینكرنا خزمه‌تگوزاریێن گشتى ، ب ئاماده‌بوونا مه‌سرور بارزانى سه‌رۆكێ حكومه‌تا هه‌رێما كوردستانێ، ستراتیژیا وه‌رچه‌رخانا دیجیتالى راگه‌هاند و د رێوره‌سمێ دا مه‌سرور بارزانى وتاره‌ك پێشكێشكر.
مه‌سرور بارزانى د گوتارا خودا گوت: زورێ به‌خته‌وه‌رم ئه‌ڤرۆ ئه‌مێن دگه‌ل ئێك و ژبو هندێ پرۆژه‌كێ گرنگێ دى رابگه‌هینین، ئه‌وژى ستراتیژى وه‌چه‌رخانى دیجیتالیه كو پشكه‌كه ژ پرۆسا چاكسازیێ د كابینا نه‌هێ یا حكومه‌تا هه‌رێمێ دا د بوارێ ب دیجیتالكرنا خزمه‌تگوزاریێن گشتى و و پێگاڤان به‌ره‌ڤ حكومه‌تا ئه‌لیكترۆنى.
سه‌رۆكێ حكومه‌تا هه‌رێما كوردستانێ ئاماژه ب هندێ ژى كر، ب پێدڤى دبینم ده‌ستخوشیێ ل فه‌رمانگه‌ها ته‌كنه‌لۆجى و زانیاریا حكومه‌تا هه‌رێما كوردستانێ بكه‌م بۆ ئاماده‌كرنا ئه‌ڤێ ستراتیژیێ و كاركرنا به‌رده‌وام و بێى ماندى بوون د پروسا ب دیجیتالكرنێ دا. و هه‌روه‌سا سوپاسى هاریكارى و هه‌ماهه‌نگى شانشینا یه‌كگرتوو كر، ب تایبه‌ت ده‌ڤید هاند و تیما وان دكه‌ت كو روله‌كێ گرنگ د به‌رهه‌مئینانا ئه‌ڤێ ستراتیژیێ و هاریكاریا نڤیسینێ دڤى بواریدا هه‌بوو.
مه‌سرور بارزانى دیاركر، ئارمانجا وان ژ ئه‌ڤێ ستراتیجیێ ئه‌وه تا دوو سالێن بهێتت، كه‌واته تا دوماهیا سالا 2025 حكومه‌تا هه‌رێما كوردستانێ ببیته ئێك ژ سه‌رلیستێن ده‌ڤه‌رێ د بیاڤێ دیجیتالكرنا حكومه‌تا ئه‌لكترۆنیدا، بو ڤێ مه‌ره‌مێ نه‌خشه رێكه‌ك هه‌یه و ده‌ست ب جێبه‌جێكرنێ هاتیه كرن، ئه‌و نه‌خشه دێ یێ هاریكاربیت و ئاسانكاریێن زور پێشكێشى فه‌رمانگه‌ها ته‌كنه‌لوجیا و زانیارى و نڤیسینگه‌ها سه‌رۆك وه‌زیران كه‌ت، ژبۆ هندێ وان كارو خزمه‌تگوزاریێن گرنگ ده‌ستنیشانبكه‌ن كو كارێ ده‌ستپێكی بهێنه ئه‌نجامدان. بونمونه، ل مه‌ها 8 یا ئه‌ڤساله سیسته‌مێ موله‌تا شوفێریێ كه‌فته كارى.
Comments are closed, but trackbacks and pingbacks are open.