نەوزاد محەمەد
لە ئەنجامی ئامادەکاریەکانی پارتی دیموکراتی کوردستان بۆ بەستنی کۆنگرەی ١٤ کە بڕیار وایە رۆژی ٣ی تشرینی دووەمی لە شاری دهۆک ببەسترێت، بە تایبەت سەرپەرشتی کردنی ڕاستەوخۆی جەنابی ڕابەر و سەرۆک بارزانی بۆ ئامادەکاریەکان.
دەتوانین پێشبینی ئەوە بکەین کە کۆنگرەی ١٤ بە هەموو پێوەرەکان کۆنگرەیەکی نەوعی و جیاواز دەبێت.
بۆ یەکەم جار لە مێژووی کۆنگرەکانی پارتی، رێژەی پالیوڕاوان بۆ سەرکردایەتی بەم رێژە بەرزەو و نەوعیەتە بێت.
ڕێژەیەکی زیاتر لە خۆ پاڵاوتن، رێژەیەکی زیاتر لە گەنجانی خاوەن ئاست و ئەزمون.
ئەم خاڵە وەکو ئەوە وایە نەخشە رێگایەک بەرچاو بکەوێت، لە ئامانجی پارتی لە کۆنگرە و ئەنجامەکانی و هەروەها بۆ قۆناغی دوای کۆنگرەش.
پارتی لەم کۆنگرەیەدا، دەیەوێ دوو ئامانجی سەرەکی بپێکێت …
یەکەم : پێداچونەوە بە قۆناغی پێشو و ڕاست کردنەوەی هەڵەکان، نوێ بونەوەو گۆڕانکاری، بەخشینی خوێن و هێزێکی نوێ و گەنج بە حزب، لە رووی هزری و گونجاندن لەگەڵ قۆناغی ئێستای سیاسی و زانست و زانیاری، کە ئەمانە دەبنە هۆکاری ئەوەی هێزێکی عەقلی و بیرکردنەوەیەکی ئاست بەرز لە رووی سیاسی و دیبلوماسی و ئیداری بە حزب ببەخشێت.
دووەم : پارتی دەیەوێ بە تەواوی پێداچونەوە بە سیاسەتەکانی دا بکاتەوە، لە رووی سیاسەت و دیبلوماسیەتی دەرەوە، پەوەندیەکانی لەگەڵ هێز و لایەنەکان، جگە لە ئامانجە نەتەوەیی و دور و نزیکەکان بە پێی قۆناغ و رژد بوون لەسەر پەیامە نەتەوەیەکەی و زیاتر قۆل بوون لە تێگەیشتن بۆ ئەم ئامانجە و کردنی بە پێوەر لە پەیوەندیەکانی لەگەڵ هێز و لایەنە کوردستانیەکان بۆ قۆناغی داهاتوو.
کە واتا ئامانجی پارتی زیاتر شۆڕبونەوەیە بەڕەو هێزی سیاسی نەتەوەیی و خزمەت کردن لە پێناو ئامانجە سەرەکیەکان، بەو پێوەرە پەیوەندیەکانی لەگەڵ حزب و لایەنە سیاسیە کوردستانیەکان ڕێکدەخاتەوە، جکە لە سیاسەتی دەرەوە کە زیاتر هێز و توانای پێ دەبەخشرێت.
ئەم نوێ بونەوەیە دەبێتە ئەمری واقع لە بەرامبەر لایەنەکانی کوردستانی و تا عیراقیش، بە شێوەیەک کە دەرفەتی ئەوەی تێدا نامینێت هەوڵی سیاسەتی هەڵە و نا بەرپرسانە بدرێت چ بەرامبەر بە خودی پارتی یان پرسە پەیوەندارەکان بە چارەنوسی گەلی کورد و دۆزە ڕەواکەی بە گشتی، کە لەم ڕوانگەشەوە پارتی خۆی بە خاوەن و بەرگریکار لە بەرژەوەندیە نەتەوەییەکان دەزانێت.
هەر بۆیە زۆر گەشبینین لەوەی کە ئەم کۆنگرەیە، کۆنگرەیەکی جیاواز و نەوعی و سەرکەوتوو بێت و ئەنجامی باش و ئەرینی لێبکەوێتەوە، نەک تەنها بۆ ناوخۆی پارتی لە چارەسەر کردنی هەندێک کێشە و دیاردە و ڕاست کردنەوەی ئاراستەکان، بەڵکو لە بەرژەوەندی دۆزی گەلی کورد و ئامانجە نەتەوەییەکانی بە گشتی دەبێت،
Comments are closed, but trackbacks and pingbacks are open.