نازی محمد شەریف (چێی )
١/١١/٢٠٢٢
گەندلی ئێک ژ ئاریشە و بەربەستێن هەری گرنگێن ژبۆ پێشکەفتنێ دناڤا هەرجڤاکەکی و ولاتەکیدا،و هەتا چارەسەریا گەندەليێ ب رەهو ریشالڤە نەهێتە کرن، ولات ئاڤا و پێشناکەڤیت.
ئەڤە چەندین سالایە کو ل هەرێما کوردستانێ ژی باسێ چاکسازیێ و نەهێلانا گەندەلیێ دهیتە کرن، لێ وەکی دیار هێشتا مە نکاریە بریارێن درست و ڤەبر بدین و ئەنجامەکێ باش بدەستخۆڤە بینین و گەندەلیێ بگەهینینە ئاستەکێ نزم.
گەندەلی ب رەوشتەکێ جوان ناهیتە ژناڤبرن و ب خۆپیشاندان و زندانکرنێ ژی ناهێتە ژ ناڤبرن، رێکا سەرەکی یا ژناڤبرنا گەندەلی ل هەر وەلاتەکی، جوداکرنا هەرسێ دەستهەلاتایە، دەستهەلاتا جێبەجێکار و پەرلەمان و دادگەهێ و بتایبەت جوداکرنا دەستهەلاتا سیاسیە ژ دەستهەلاتا ئابووریە، هەروەلاتەکێ دەستهەلاتدار و سیاسیێن وی ولاتی بازرگان بن، ئەو ولات نکاریت دژی گەندەلیێ کار بکەن، لەورا یا فەرە جاکسازی د ریشەیی بن، نەبەس روکێش و لاوەکی بن.
ل هیچ ولاتەکێ جیهانێ ئەم نابینین کو جڤاک ولاتی پێش بێخیت، بەلکو دەستهەلاتە کو ولاتی پێش دئێخیت و بریارەکا راستەقینە دەت و کار دکەت ژبۆ پێش ئێخستنا وەلاتی.
نمونە ژی شێخ محمد بن راشد ل دووبەی و محمد ماهاتیر ل مالیزیا، کو هاتن و هەمی دەستهەلاتا خۆ و وەلاتێ خۆ ئێخستەکار، کا دێ چەوا شێن ولاتی ئاڤا کەن و دئەنجامدا ژی د چەند سالەکێن کیم ولات ب باشترین شێواز ئاڤا کر، ئەڤرو دووبەی ئیک ژ پێشکەفتیترین ولاتێن جیهانیە.
ئەرکێ دەسهەلاتدارایە بەرژوەندیا وەلاتی بەرچاڤبگرن و بریارێن راستەقینە بدەن لدور چاکسازیێ،هەتا جاکسازیێن راستەقینە و ریشەیی نەئێنە ئەنجامدام، روژ بۆ روژێ دێ گەندەلی بهێزتر کەفیت، لێ ئەڤ چاکسازیێن نها ئەم دبینین ل هەرێمێ لسەر ئاستەکێ نزم و قاعیدەی دهێنەئانجامدان و بتنێ کەسەکێ سادە و بێ دەستهەلات ڤەدگریت، لێ کەسێن خودان شیان و بهێز ناڤەگریت، کو ئەڤە ژی دبیتە ئەگەر کو گەندلی بجیتە دئاستەکێ بلنددا، گەندەلی دبیتە ئەگەر کو روژ بۆ رۆژێ بێ دادپەروەری و بێ عەدالەتی و هەژاری زێدە بیت و دئەنجامدا نەڤیانا جەماوەری بەرامبەری بەرپرس و حزب و دەستهەلاتێ زێدە دبیت.
ئەگەر خودێ نەکەت ئەڤ کیانێ سیاسی نەما، ئەولی دێ بەرژوەندیێت بەرپرسا و حزبا کەڤنە مەترسیێ،چونکی بەرژوەندیێت وان ژی یێت بن سیبەرا ڤی کیانێ سیاسی کو ب ناڤێ هەرێما کوردستانێ یە.
Comments are closed, but trackbacks and pingbacks are open.