ئاژانسا ئەنادۆل بەلاڤكرییە، ل باژێرێ مێردینێ یێ باكوورێ كوردستانێ ئێكەمین ڤیستەڤالا ناڤدەولەتی یا ساڤارێ هاتە ئەنجامدان.
دیار ژی كرییە، ئەو ڤیستەڤالە ژلایێ وەزارەتا پیشەسازی و تەكنۆلوژی یا توركیا، وەزارەتا رەوشەنبیری و راگەهاندن، پارێزگارێ مێردینێ و باژێرڤانییا مێردینێ، زانكۆیا مێردین ئارتۆكلو و ئاژانسا پێشخستن و ناساندنا گەشتوگوزاری ل گۆرەپانا كۆماری یا باژێرێ مێردینێ هاتە ئەنجامدان.
مەحموود دەمیرتاش، بریكارێ سەرۆكێ باژێرڤانی و پارێزگەها مێردینێ ژی د پەیڤەكێ دا ئاشكەراكر، ئەو ڤیستەڤالە بۆ مێردینێ گەلەك یا گرنگە ژبەركو ئەو سالانە نێزیكی 250 هزار تەنێن ساڤاری بەرهەمدئینن و شیان هەنە نێزیكی 30% یا وی بەرهەمی هەناردەی ژ دەرڤەی وەلاتی بكەن.
د وێ ڤیستەڤالێ دا هەژمارەكا مەزن شێفێن وەلاتێن توركیا، ئیران، تونس، لوبنان، ئوردن و سەنگافۆرە و خەلكێ مێردینێ پشكداریكرییە.
Comments are closed, but trackbacks and pingbacks are open.