وه‌زاره‌تا بازرگانییا عیراقێ لیسته‌كا خوارن و كه‌لۆپه‌لان به‌لاڤكر كو ئینانا وان قه‌ده‌غه‌كرییه، لیست ژ 21 بابه‌تان پێكدهێت ژ وانا پۆستال و كه‌لۆپه‌لێن له‌شكه‌رى، بیره، چپس و ئایسكریم.
رۆژا نه‌هى چریا دووێ یا 2022ێ وه‌زاره‌تا بازرگانییا عیراقێ لیسته‌ك به‌لاڤكر كو ژ 21 بابه‌تێن خوارن و ڤه‌خوارن و پێدڤییێن دى پێكدهێت و ئینانا وان قه‌ده‌غه‌كر.
پشكه‌كا ئه‌وان تشتێن ئینانا وان هاتییه قه‌ده‌غه‌كرن ژ پۆستال و كه‌لۆپه‌لێن له‌شكه‌رى، گۆلبه‌رۆژ، په‌مبییێ نوشداران، چپسێن پتاتان، ئایسكریم، ڤه‌خوارنێن گازى و هێزێ، بلۆك و خیزى پێكدهێت.
ل دووڤ لیسته‌یێ، قه‌ده‌غه‌یا ئینانا پشكه‌ك ژ وان كه‌لۆپه‌لان ژبه‌ر هندێیه كو هووربینى و لێكۆلین لسه‌ر دهێته‌كرن، و پشكه‌كا دى چاڤه‌رێی بریارا جڤتا وه‌زیرایه كو بریارێ ل سه‌ر بده‌ت، پشكه‌كا دى به‌رى نوكه بریارا قه‌ده‌غه‌كرنا ئینانا وان هاتییه دان و ئه‌و بریاره هاتییه درێژكرن.
ل دووڤ ئامارێن ده‌زگه‌هێ ناڤه‌ندییێ ئامارێن عیراقێ، قه‌باره‌یێ ئینانا كه‌لۆپه‌لان بۆ عیراقێ سالانه دگه‌هیته 17 ملیار دۆلاران.
Comments are closed, but trackbacks and pingbacks are open.