بریارە ئەڤرۆ دادگەها بلند یا فیدرالی بۆ جارا سییێ ل دۆر سكالایەكا دژی هنارتنا 200 ملیار دیناران بۆ هەرێما كوردستانێ كۆم بیت كو مستەفا سەنەد، پەرلەمانتارێ سەربەخۆ یێ عیراقێ ل سەر مستەفا كازمی، سەرۆك وەزیرێن پێشتر یێن عیراقێ تۆماركربوو دژی هنارتنا پارەی بۆ هەرێمێ.
د سكالایێ دا مستەفا سەنەد داخوازكرییە بریارێن هەژمارە 8 یێن سالا 2022ێ و بریارێن 401 و 257 و 226 و 194 یێن سالا 2021ێ یێن پالپشت ب هنارتنا 200 ملیارێن هەرێمێ بهێنە هەلوەشاندن.
ل دویڤ رێكەفتنا دناڤبەرا حكومەتا هەرێمێ و حكومەتا فیدرالی دا، پێدڤی بوو هەمی هەیڤان بەغدا 200 ملیار دیناران بۆ هەرێما كوردستانێ فرێكەت، لێ ل سالا 2022ێ هەمیێ بتنێ دوو جاران ئەو پارە هنارتییە.
ئەڤە سێیەم روینشتنا دادگەهێ یە ل دۆر وی بابەتی و دۆماهی روینشتن ل 25ی چریا ئێكێ یا ئەڤسالە بۆ ئەڤرۆ هاتبوو پاشخستن.
پێشتر ژی ل 18ی تەمموزا 2022ێ، دادگەها بلند یا فیدرالی یا عیراقێ سكالایەك رەتكر كو ژلایێ كەسەكی ب ناڤێ جەواد كازم عەلوان هاتبوو تۆماركرن و تێدا تانە ل هنارتنا 200 ملیار دیناران بۆ هەرێمێ دابوو.
Comments are closed, but trackbacks and pingbacks are open.