ئه‌و ژنێن ل ده‌مێ دووگیانییێ تووشى بلندبوونا فشارا خوینێ دبن، زارۆكێن دزكێ ئه‌واندا تووشى ئاریشه‌یێن دلى دبن
ڤه‌كۆلینێن په‌یمانگه‌ها كارۆلینسكا ل سویدێ دیاردكه‌ن، ئه‌و ژنێن ل ده‌مێ دووگیانییێ تووشى بلندبوونا فشارا خوینێ دبن، ئه‌و زارۆكێن دزكێن واندا تووشى نه‌خۆشییێن دلى و نه‌رێكوپێكییا لێدانێن دلى دبن.
ڤه‌كۆلین ب پشكدارییا هه‌شت ملیۆن ژنێن ب دووگیان ل فینله‌ندا، دانیمارك و سوێد هاتییه‌كرن، 190 هزا ژنێن تووشى بلندبوونا فشارا خوینێ بووین، پشكه‌كا مه‌زن یا ئه‌وان ساخله‌مییا وان یا ئاسایى بوو، و 34%ێ یا ئه‌وان ژنێن ل ده‌مێ دووگیانێ تووشى بلندبوونا فشارا خوینێ بووین، به‌هرا پترا زارۆكێن وان ل ژییێ 19 سالییێ تووشى نه‌خۆشییێن دلى و خوین به‌ربوونێ دبن.
پاول لیسۆن سه‌رۆكێ پشكا ڤه‌كۆلینێن نه‌خۆشییێن دلى ل زانكۆیا ئوكسفۆرد یا ئه‌مریكى سه‌باره‌ت ئه‌نجامێن تاقیكرنێ دبێژیت: مه‌ترسییا جه‌لته‌یا دلى و خوین به‌ربوونێ ل ژییێن بچووك جهێ مه‌نده‌هوشییێ یه، ژبه‌ركو به‌هرا پترا ئاریشه‌یێن دلى كه‌سێن دژییێ مه‌زندا دگرن.
هه‌روه‌سا دكتور پاولى گوت : باشترین رێكه‌چاره بۆ پاراستنا زارۆكێن ژ نوو ژ دایك دبن، چاڤدێریكرنا ساخله‌مییا ژنێن ب دوو گیانه ل هه‌یڤێن ده‌ستپێكێ یێن دووگیانییێ، بۆ رێگرتنێ ژ بلندبوونا فشارا خوینێ.
د. كۆلین كۆفلین بسپۆرێ نه‌خۆشییێن دلى ل دامه‌زراوه‌یێن دلێ ژنان دبێژت: ئه‌و دوێ باوه‌رییێ دایه، ئه‌گه‌ر ژن لسه‌ر نیشان و مه‌ترسییێن نه‌رێكوپێكییێ ل ده‌مێ دووگیانییێ بهێنه ئاگه‌هداركرن، دێ نفشه‌كێ ساخله‌م درووستكه‌ن.
ل دووڤ راپۆرته‌كا كوڤارا نه‌یجه‌ر یا نوشدارى، 10%ێ یا ژنان پشتى حه‌فتییا 20ێ ژ دووگیانییێ، تووشى بلندبوونا فشارا خوینێ دبن.
Comments are closed, but trackbacks and pingbacks are open.