وه‌زاره‌تا كاره‌بێ ل كابینه‌یا نه‌هێ یا حكومه‌تا هه‌رێما كوردستانێ نێزیكى 700 مێگاواتێن كاره‌بێ زێده‌كرینه، و ژبلى هندێ كو به‌رهه‌مئینانا كاره‌بێ گه‌هشتییه حه‌فت هزار مێگاواتان و خه‌رجییێن به‌رهه‌مئینانێ كێمبووینه، ل چه‌ند هه‌یڤێن بهێن هژماره‌كا دى یا وێستگه‌هێن كاره‌بێ دێ كه‌ڤنه كارى.
رێڤه‌به‌رێ گشتییێ به‌رهه‌مئینانا كاره‌بێ پێشره‌و نوورى راگه‌هاند، ل چه‌ند هه‌یڤێن بهێت هژماره‌كا وێستگه‌هێن نوو یێن كاره‌بێ دێ كه‌ڤنه كارى، وێستگه‌ها كاره‌بێ یا 27 مێگاواتى یا دهۆكێ برێژه‌یا 70%ێ تمامبوویه، هه‌روه‌سا پرۆژه‌یێ هایدروپاوه‌را دێره‌لۆكێ ژى ب رێژه‌یا 90%ێ تمامبوویه، و چه‌ند پرۆژه‌یێن دى یێن به‌رهه‌مئینانا كاره‌بێ ل پارێزگه‌هێن هه‌ولێر و سلێمانییێ تمامبووینه و كه‌ڤتینه كارى.
هه‌روه‌سا رێڤه‌به‌رێ گشتییێ به‌رهه‌مئینانا كاره‌بێ دیاركر، بریاره ل ده‌مه‌كێ نێزیك به‌رێ بنیاتى بۆ هه‌ردوو وێستگه‌هێن به‌رهه‌مئینانا كاره‌بێ ژ هێزا رۆژێ ل باژێرێن دهۆك و هه‌ولێرێ دێ بهێته دانان.
Comments are closed, but trackbacks and pingbacks are open.